Almaty ákimi Erbolat Dosaev Medeý aýdanynyń turǵyndarymen kezdesý barysynda jańa Kongress-ortalyqtyń qurylysy týraly aityp berdi,- dep habarlaidy Dalanews.kz Almaty ákimdiginiń baspasóz qyzmetine silteme jasap.
Qala basshysy Almatyda mundai kórnekti nysandar keńes zamanynan beri salynbaǵanyn atap ótti.
«Boljamdy jańa Kongress- ortalyǵy memlekettik menshikte bolady. Qala biýdjetinen qarajat injenerlik infraqurylym men abattandyrýǵa bólinedi. Sondai-aq áleýmettik jaýapkershilik aiasynda jeke demeýshilik qarajat tartylady», - dedi Erbolat Dosaev.
Sondai-aq, Almaty ákimi belsendi turǵyndarǵa qala damýyna kóńil bólgeni úshin alǵysyn bildirip, jobanyń Almatyǵa paida ákeletinine senim bildirdi.
«Bizdiń qala damýy tiis. Almatyda erkin memlekettik jer qory joq, sondyqtan biz joldardy uzartý, áleýmettik infraqurylymdy, qoǵamdyq keńistikterdi damytý úshin jer satyp alýǵa májbúrmiz. Biz munyń bárin tek zań júzinde ǵana jasaimyz», - dedi qala basshysy.
Erbolat Dosaev josparlanǵan Kongress-ortalyqtyń ornynda kommertsiialyq jyljymaityn múlik qurylysynyń alynyp tastalǵanyna sendirdi.
«Biýdjettik aqshaǵa satyp alynǵan jerdiń birde - bir jer kodeksi boiynsha biz jeke menshik ielerine bere almaimyz. Bul máseleni jadymyzdan múldem shyǵaryp tastaý qajeti», - dep qorytyndylady sózin qala basshysy.
