Almatyda Burger King jelisine tiesili kompaniiada eńbek zańnamasyn buzý derekteri anyqtaldy, dep habarlaidy Dala News.
Eńbek jáne halyqty áleýmettik qorǵaý ministrliginiń málimetinshe, tekserý barysynda jumys berýshiniń eńbek zańnamasyn júieli túrde saqtamaǵany belgili bolǵan.
Atap aitqanda, qyzmetkerlerdiń jalaqysynan olardyń kelisiminsiz zańsyz ustalymdar jasalǵan, eńbekaqy ýaqytynda tólenbegen, sondai-aq naqty jumys ýaqyty esepke alynbaǵan. Budan bólek, mereke jáne demalys kúnderi jumys istegen qyzmetkerlerge joǵary mólsherde tólem jasalmaǵan.
Sonymen qatar, jumys kesteleri qyzmetkerlerge zańda belgilengen merzimderdi saqtamai jetkizilgen.
Vedomstvonyń habarlaýynsha, jospardan tys tekserýdi Almaty qalalyq memlekettik eńbek inspektsiiasy qyzmetker Qaratai Álibektiń aryzy negizinde júrgizgen. Tekserý barysynda aryzda kórsetilgen derekter rastalǵan.
Inspektsiia eńbek qaýipsizdigi talaptarynyń da buzylǵanyn anyqtady. Kompaniia qyzmetkerlerdi arnaiy kiimmen jáne jeke qorǵanys quraldarymen qamtamasyz etpegen, al keibir qyzmetkerler mindetti qaýipsizdik nusqaýlyǵynan ótpei jumysqa jiberilgen.
Tekserý nátijesinde «QSR» JShS-ne barlyq zańbuzýshylyqtardy joiý týraly mindetti nusqama berildi.
Kompaniiaǵa qatysty Ákimshilik quqyqbuzýshylyq týraly kodekstiń 87, 93 jáne 94-baptary boiynsha ákimshilik is qozǵaldy.
Ministrlik bul másele qyzmetkerlerdiń eńbek quqyqtary tolyq qalpyna keltirilgenge deiin baqylaýda bolatynyn málimdedi.
