Baǵanashyldaǵy №1 oblystyq balalar úii ornalasqan jer telimi kimge tiesili ekeni anyqtaldy, dep habarlaidy Dalanews.kz Tengrinews.kz-ke siltep.
Almaty oblysynyń bilim basqarmasynyń málimetinshe, 2006 jyldyń 28 aqpanyndaǵy memlekettik aktige sáikes, Almaty qalasy, Bostandyq aýdany, Baǵanashyl yqshamaýdany, Syrǵabekov kóshesi, 22-úi mekenjaiynda ornalasqan, kadastrlyq nómiri 20-313-042-109 jer ýchaskesi «Almaty oblystyq №1 balalar úii» memlekettik mekemesine turaqty jer paidalaný quqyǵymen berilgen.
«Atalǵan jer teliminiń nysanaly maqsaty – balalar úiin ornalastyrý jáne ony kútip-ustaý. Jer aktisiniń berilý negizi – Almaty oblysy, Qarasai aýdany ákiminiń 2000 jylǵy 27 sáýirdegi №4-190 qaýlysy. Qazaqstan Respýblikasynyń Jer kodeksiniń 34-babynyń 1-tarmaǵyna sáikes, turaqty jer paidalaný quqyǵy memlekettik jer paidalanýshylarǵa beriledi», – dep habarlady basqarma.
№1 oblystyq balalar úiiniń barlyq tárbielenýshileri basqa jerge kóshirilgennen keiin ǵimarattyń bolashaǵy qandai bolatyny týraly suraqqa bilim basqarmasy «kóshirý josparda joq» dep jaýap berdi.
«Mekeme óz ornynda qalady, al Qonaev qalasynda kámeletke tolmaǵandardy beiimdeý ortalyǵy (KTBO) jumys isteitin bolady, iaǵni onda tek ýaqytsha ornalastyrylǵan balalar bolady», – dep túsindirdi Almaty oblysynyń bilim basqarmasy.
Basqarmanyń málimetinshe, balalar úiiniń jalpy aýmaǵy 2,5 gektar.
Eske sala ketsek, buǵan deiin №1 oblystyq balalar úiiniń tárbielenýshileri mekemeniń Almatydan Qonaevqa kóshirilip jatqanyna shaǵymdanǵan bolatyn. Qoǵam belsendileri Almatynyń elitaly aýdany – Baǵanashyldaǵy qundy jer telimi belgisiz qurylys kompaniialarynyń kózine túsip, olar bul aýmaqqa turǵyn úi keshenin salǵysy keletinin málimdegen edi.
Keiinirek Almaty oblysynyń ákimi Marat Sultanǵaziev №1 oblystyq balalar úiiniń tárbielenýshileri Almatydan tys jerge kóshirilmeitinin aitty. Ákimdik ókilderi «qazirgi ýaqytta qalada oqyp jatqan tárbielenýshiler oqýyn burynǵydai jalǵastyra beredi, al jańadan qabyldanǵan balalar Qonaev qalasyna ornalastyrylady» dep málimdedi. Aimaq basshysy sol kezde «Balalar Almatyda qalǵysy keletinin bildirdi, óitkeni orta aýystyrý olardyń beiimdelýi men áleýmettenýine keri áser etýi múmkin. Bul faktor sheshim qabyldaýda mańyzdy ról atqardy» dep túsindirdi.
