Bul týraly QazAqparat habarlaidy.
«Almaly aýdandyq IIB baryp aýlasynda otyrǵan bireýdi kórdim. Ol telefonmen sóilesip otyrdy, «sledak» ekenin bildim, atýdy sodan bastadym», — dedi Rýslan Kúlikbaev basty sot otyrysynda bergen jaýabynda.
«Jezókshelerdi óltirgen soń, men tań namazyn oqyp aldym da, Almaly aýdandyq sotyna bardym. Sol jerde prokýrorlar men sottardy atqym keldi. Biraq, qarapaiym adamdardyń kirip-shyǵyp júrgenin kórip atpadym. Sosyn ROVD jaqqa bardym. Sol jerden bastadym. Barsam, bir adam telefonmen sóilesip otyr eken. Onyń «sledak» ekenin bildim. Óitkeni, «delo tústi ary qarai ózim kontrol jasaimyn» dep jatyr, sony atyp tastadym. Sosyn men kúzetke kirdim, ol maǵan qarap turdy. Ol sosyn jerge jatyp qaldy, sol jerde atyp tastadym», — dep baiandady ol.
«Ekinshi qabatqa kóterildim, seiftiń artynda bireý tur eken, ony atyp edim, timedi. Ol qashyp ketti. Artynan barsam, ol terezeden sekirip ketken eken. Ony atpadym, qarapaiym adamdarǵa tiip keter dep. Sosyn 1-qabatqa, astyna tústim de ROVD-nyń aldyna shyqtym. Aldynda bir «sorokovka» (Toiota Kamri 40 — agenttik) toqtap turǵanyn kórip otyryp aldym. Ol maǵan: «Tórt balam bar óltirmeshi» dedi. «Men seni óltirmeimin, tek aldyǵa júrip otyr. Qai jerde patrýl bar sol araǵa toqta» dedim. Alǵa júrip kele jatqanda bir patrýl turdy, bilmeimin qai jer ekenin sony atyp kettim», — dep jalǵastyrdy Rýslan.
«Onyń qasyna toqtamadym, ótip bara jatyp attym. Baizaqov kóshesine qarai kóterilgenmin, týra ketip bara jatqanda patrýldi kórip qaldym sonyń aldyna buryl dedim. Sonyń qasynan metrdei ótip baryp toqtadyq. Men sol jerde tústim de, ekeýin de atyp tastadym. Sodan oǵymdy qaradym, avtomatta 3-4 oq qalǵan eken, sosyn pistolet alyp aldym. Sosyn maǵan ǵimarttan bireý oq atty, ol oq maǵan tigen joq. Mashinaǵa tidi. Joǵary kóterilgen soń qarasam KNB dep jazylyp tur eken. Ary qarai kete berdim», — deidi Kúlikbaev.
«Aldymnan bir kisi kezdesti. Men odan «Sen kimsiń?» dep suradym. Qolynda delo bar eken. Ol maǵan: «Men jai azamatpyn» dedi. Men «Ótirik soqpa, qaltańda «korochka» bar ǵoi. Nege aldap tursyń meni?» dedim. «Kýáligińdi kórset» dedim, ol «aldap turǵam joq» dedi. «Eger meni aldap tursań, men seni Allah jolynda atyp tastaimyn» dedim. Korochkasyn qarasam, aldap tur eken, atyp tastadym. Sorokovkadaǵy meni kelip soqty. Ony atamyn degen oi da bolǵan joq. Qarasam, terezesinde tonirovka bar eken. Kóileginiń jaǵasy sotrýdnikterdiń formasyna uqsap ketti. Janyna shyqtym da attym, sosyn baryp bildim, onyń sotrýdnik emes ekenin. Sosyn Abylai han kóshesine bardym, onda atystym. Eń sońynda Galimov Aian dep jatyr ǵoi, sol meni atty. Ol birinshi atty. Sosyn onymen atystym, maǵan da oq tigen», — dedi Rýslan Kúlikbaev.
