22 sáýirde Almaty qalasynda Islam Yntymaqtastyq Uıymynyń Bas Hatshylyǵy, Qazaqstan Respýblıkasynyń Syrtqy İster Mınıstrligi jáne ál-Farabı atyndaǵy Qazaq ulttyq ýnıversıtetiniń uıymdastyrýymen «Islamdy jaqyndastyrý boıynsha bastama: IYU-ǵa múshe-memleketterdegi beıbitshilik pen qaqtyǵystardy retteý jónindegi perspektıvalar» atty ekikúndik halyqaralyq semınar ótkiziledi. 

Semınarǵa IYU múshe-memleketteriniń dıplomattary, Qazaqstandaǵy shet elder dıplomatıalyq korpýstarynyń ókilderi, kórnekti ǵalymdar men sarapshylar qatysady.

Atalmysh is-sharada ıslam memleketteri terıtorıasyndaǵy rettelmegen qaqtyǵystar men IYU-ǵa múshe-memleketter arasyndaǵy sheshilmegen daýlardy sheshý maqsatyndaǵy Islamdy jaqyndastyrý týraly birlesken qazaq-túrik bastamasynyń ózekti taqyryptaryn talqylaý dıalogtyq alańy ornaıdy.

Sonymen qatar semınar barysynda qaýipsizdikti, adam quqyǵy men zańnyń ústemdigin qamtamasyz etý boıynsha ozyq tájirbıeler almasýy ótedi.

Semınar qatysýshylaryna IYU-nyń qaqtyǵystardy retteý jáne deldaldyq qyzmetti atqarýdaǵy saıasaty men rólin tereń tanýǵa, ıslam memleketterdegi birneshe jyldar boıy sozylǵan jáne IYU-nyń múshe-memleketterine jáne álemniń ózge memleketterine áser etken qaqtyǵystardyń tarıhy men tabıǵatyn bilýge, sonymen qatar senimdilikti nyǵaıtý, janjaldardyń túpkilikti sebepterin anyqtaý jáne joıý negizinde daǵdarystardy sheshý jáne jaqyndastyrý boıynsha praktıkalyq sharalardy talqylaýǵa múmkindik beriledi. 

Eldiń ulttyq qaýipsizdigin qamtamasyz etýdegi basym baǵyttardy ustana, sondaı-aq BUU-nyń «Akademıalyq yqpal etý» baǵdarlamasynyń Jahandyq haby bola otyryp, ál-Farabı atyndaǵy QazUÝ beıbit jáne ashyq qoǵamdy qalyptastyrýǵa áreket etetin turaqty damý maqsatynyń juzege asýyna, sonymen birge halyqaralyq uıymdardyń jahandyq álemdegi qaýipsizdikti jáne adamzattyń turaqty damýyn qamtamasyz etý jónindegi bastamalary men jobalaryna belsendi qatysady.