Almatyda vokzal mańynda pyshaq ustap júrgen er adam eldiń esin shyǵardy, dep habarlaidy Dalanews.kz.
Almaty qalasy politsiia departamentiniń jedel qimyldaityn arnaiy jasaǵy "Almaty-1" temirjol stantsiiasy aýmaǵynda sýitsidke áreket jasaǵan er adamdy qutqaryp qaldy. Oqiǵa týraly habar jasaq qyzmetkerlerine joldan ótip bara jatqan azamattan túsken.
"Oqiǵa ornyna jedel jetken politseiler qolynda pyshaǵy bar, kúizelis saldarynan óz-ózin ustaýǵa qabiletsiz azamatty anyqtady. Er adam ne sebepti mundai áreketke barǵanyn túsindire almaǵan. Politsiia jaǵdaidy jedel baqylaýǵa alyp, er adamnyń ózine ziian keltirýine jol bermedi jáne ainaladaǵy azamattardyń qaýipsizdigin qamtamasyz etti", - dep jazylǵan habarlamada.
Keiin ol meditsinalyq jáne psihologiialyq kómek kórsetý úshin dárigerlerge tapsyryldy.
