Almatyda aýa sapasyn jaqsartýǵa baǵyttalǵan jańa ekologiialyq talaptar engiziledi, dep habarlaidy Dala News.
Qalada arnaiy «taza aimaqtar» qurylady. Bul aýmaqtarda ot jaǵýǵa, pesh tutatýǵa, kómir men aǵash jaǵýǵa tyiym salynady. Keibir aýdandarǵa ekologiialyq talapqa sai kelmeitin kólikterdiń kirýi de shektelýi múmkin.
Jańa erejeler bizneske de áser etedi. Kafe, bar, kebab dúkenderi men qoǵamdyq tamaqtaný oryndary tútin men iisti azaitatyn súzgiler ornatýǵa mindettelmek. Bul talap monsha men saýna sekildi oryndarǵa da qatysty bolady.
Baqylaý drondar men arnaiy kameralar arqyly júrgiziledi. Zańbuzýshylyqtar avtomatty túrde tirkeledi. Ár kólikke jeke ekologiialyq standart belgilenip, tek ákimdik ruqsat bergen ortalyqtarda tekserýden ótý múmkin bolady.
Depýtat Timýr Eleýsizovtiń aitýynsha, «taza aimaqtar» ál-Farabi jáne Raiymbek dańǵyldary mańyn, Shyǵys ainalma joly men Saiyn kóshesiniń bólikterin qamtýy yqtimal.
Joba aldymen pilottyq rejimde iske qosylady. Bul kezeńde aiyppul salynbaidy. Eger nátije oń bolsa, «taza aimaqtar» qala aýmaǵynda kezeń-kezeńimen keńeitiledi. Sheneýnikterdiń aitýynsha, jańa talaptar shamamen bir jyldan keiin tolyq kúshine enedi.
