Almatyda týristik nysandarǵa barýda qarjyny 63%-ǵa deiin únemdeýge múmkindik beretin týristiń biryńǵai bileti iske qosyldy, dep habarlaidy Dalanews.kz.
Almatyda basty kórikti jerler men ekskýrsiialardy tiimdi baǵamen kórýge múmkindik beretin saiahatshylar úshin Almaty Pass biryńǵai bilet iske qosyldy. Týristik nysandarǵa jeke-jeke barǵannan góri Almaty Pass satyp alǵan kezde paida 63% bolady. Mysaly, biryńǵai bilettiń quny 9 990 teńgeden bastalady, oǵan 27 300 teńge somasyndaǵy nysandarǵa barý kiredi.
Almaty Pass júiesine kelesi týristik nysandarǵa barý kiredi:
«Kóktóbe» aspaly joly, «Kóktóbe» saiabaǵyndaǵy ainalma jol jáne jyldam túsý (Fast Coaster), MEGA Alma-Ata SOO aýmaǵyndaǵy Happy Eye sholý dóńgelegi, Almaty haiýanattar baǵy, Á.Qasteev atyndaǵy óner mýzeii, «Medeý-Shymbulaq» baǵytyndaǵy Shymbulak aspaly joly, Botanikalyq baq, sondai-aq qalanyń qyzyqty baǵyttary boiynsha Nur Bus avtobýsymen sholý týry.
Biryńǵai biletti almaty.citypass.kz resmi veb-saittan satyp alýǵa bolady.
Quny 9 990 teńgeden bastalady. Ári qarai saitta nemese mobildi qosymshada QR kody bar vaýcher paida bolady, ony kirerde kassaǵa kórsetý kerek. QR kod qyzmet paketine bailanysty nysanǵa birinshi kelgen sátten bastap 24 nemese 72 saǵat ishinde jaramdy.
