Áleýmettik jelilerde Almaty qalasynyń «Kaspıı» turǵyn úı kesheninde bir top er azamat kúzetshige jáne turǵyndardyń birine shabýyl jasaǵany jóninde aqparat paıda boldy. Oqıǵaǵa qatysty vıdeo Instagram-da jarıalanǵan. Oqıǵany qala polısıasynyń baspasóz qyzmeti túsindirdi, dep habarlaıdy Dalanews.kz.
Instagram pablıkterinde jazylǵandaı, tóbeles 5 qarasha kúni bolǵan. Boljam boıynsha, oǵan 12 adam qatysqan.
«Buzaqylyq faktisi boıynsha Alataý aýdandyq polısıa basqarmasy qylmystyq is qozǵady. Oqıǵaǵa qatysqan alty adamnyń barlyǵy anyqtalyp, ustalyp, ýaqytsha ustaý ızolátoryna qamaldy», – dep habarlady polısıa ókilderi.
Tergeý júrgizilip jatqany naqtylandy. Sondaı-aq, polısıa qala turǵyndaryn kıkiljińderdi zańdy jolmen sheshýge jáne qoǵamdyq tártipti buzbaýǵa shaqyrdy.
