Almatynyń Úlken Almaty shyńynda elimizdegi alǵashqy avtomatty taýǵa shyǵýdy esepke alýshy qurylǵy ornatyldy. Joba qalalyq Týrızm basqarmasy tarapynan týrısik ınfraqurylymdy damytý jáne belsendi ári ekologıalyq demalys salasyna sıfrlyq tehnologıa engizý aıasynda júzege asyrylyp otyr, dep habarlaıdy Dalanews.kz.

Maqsat – taýǵa shyǵýshylardyń belsendiligin dál esepteý. Qurylǵy tanymal taý baǵyttarynda órleýdiń sanyn tirkep, kelýshiler statısıkasyn qalyptastyrýǵa, marshrýttardaǵy júktemeni taldaýǵa jáne qaýipsiz ári turaqty týrızm júıesin damytýǵa múmkindik beredi.

Qurylǵy aýa raıynyń kez kelgen jaǵdaıynda jumys isteıdi jáne órleýdi adamsyz ózi-aq avtomatty túrde esepteıdi. Jınalǵan málimetter týrıser sanyn taldaý, navıgasıa júıesin jetildirý jáne taýdaǵy qaýipsizdik deńgeıin arttyrý maqsatynda paıdalanylady.

Qazan aıynyń sońyna deıin osyndaı qurylǵylar Qanysh Sátbaev (Sovetov) jáne Jastar shyńyna ornatylady.

Mundaı júıeler taý týrızmi damyǵan Shveısarıa, Avstrıa, Jańa Zelandıa men Norvegıa syndy elderde keńinen qoldanylady. Onda esepke alýshy qurylǵylar maýsymdyq júktemeni baqylaýǵa, týrıser sanyn retteýge jáne tabıǵı ekojúıelerdi saqtaýǵa kómektesedi. Almaty da osy ozyq tájirıbeni İle Alataýynyń tabıǵı erekshelikterine beıimdep engizip otyr.

Týrızm basqarmasy saıahatshylardan ornatylǵan jabdyqqa uqypty qaraýdy jáne qurylǵyny qolmen baspaýyn suraıdy. Bul naqty statısıkalyq derekterdi anyqtaý úshin qajet.