Ońtústik astanada esirtkini bailanyssyz tásilmen taratty degen kúdikke ilingen er adamnyń zańsyz áreketi áshkerelendi,dep habarlaidy Dalanews.kz.
Politsiianyń málimetinshe, Almaty qalalyq politsiia departamentiniń esirtki qylmysyna qarsy is-qimyl basqarmasynyń qyzmetkerleri jedel-izdestirý is-sharalary barysynda kúdiktiniń zańǵa qaishy áreketin anyqtaǵan.
Tekserý kezinde onyń avtokóliginen sintetikalyq esirtki salynǵan oramalar men gashish maiy tabylǵan. Anyqtalǵandai, ol esirtkini «jasyryn oryndarǵa qaldyrý» tásilimen taratyp, elektrondy tólem júieleri arqyly aqsha alyp otyrǵan.
Kúdikti ustalyp, ýaqytsha ustaý izoliatoryna qamaldy.
Almaty qalalyq PD esirtki qylmysyna qarsy is-qimyl basqarmasynyń bastyǵy Murat Jumabaevtyń aitýynsha, áleýmettik jeliler arqyly jasyryn túrde júrgiziletin esirtki saýdasy qoǵamdyq qaýipsizdikke úlken qater tóndiredi.
«Esirtki qylmysy jasyryn formatta júzege assa da, qoǵamǵa qaýip tóndiredi. Biz mundai quqyq buzýshylyqtardy júieli túrde anyqtap, jolyn kesemiz. Aldyn alý men baqylaý – jumysymyzdyń negizi», – dedi ol.
