Almaty qalasynyń "Baqshasarai" qabyldaý úiinde “BUSINESS COLLABORATION FORUM 2023” biznes-forýmy ótip jatyr. Forýmǵa Respýblikanyń 51 oqý ornynyń mektep oqýshylary men stýdentteri, kásipkerler jáne ENACTUS baǵdarlamasynyń qonaqtary qatysty.
Biznes-forým barysynda Qazaqstannyń túkpir-túkpirinen jinalǵan jastar ózderiniń biznes-jobalaryn usyndy.
Is-sharanyń alǵysózinde Almaty qalasy ákiminiń orynbasary Álisher Ábdiqadyrov forýmǵa qatysyp jatqan jastarǵa sáttilik tiledi.
- 1995 jyldan bastap Qazaqstanda ENACTUS jobasy daryndy jastarǵa jańa múmkindikter ashyp, olardyń ózindik ideialaryn engizip, biznes-jobalardy júzege asyrýda. Almaty - stýdentter qalasy. Shaharda 35 JOO ornalasqan. Onda 200 myńǵa jýyq stýdent bilim alyp keledi.
Ótken jyly Almaty qalasynyń ákimdigimen 2025 jylǵa deiingi qalanyń damý baǵdarlamasy bekitildi. Onyń ishinde qala jastaryna bilim berý, jumyspen qamtý, qajetti infraqurylymmen qamtamasyz etý máselelerine asa mán berildi.
Qysqa merzimdi kýrs oqyp, jumys tabýǵa múmkindik beretin JasAlmaty.kz portaly iske qosyldy. Sáýir aiynda jas kásipkerler klýby quryldy. Qorytyndylai kele, árqaisysyńyzǵa bizneste tabysqa jetýdi tileimin, - dedi Almaty qalasy ákiminiń orynbasary Álisher Ábdiqadyrov.
ENACTUS Kazakhstan uiymynyń Prezidenti Albina Erjanova elimizdiń “ENACTUS WORLD CUP 2024” stýdenttik kásipkerliktiń Álemdik kýbogyn ótkizý quqyǵyn jeńip alǵanyn atap ótti.
- Oqý jylynyń sońynda úzdik biznes-jobalar ENACTUS Kazakhstan kýbogyna qatysady. Onda jeńiske jetken joba álemdik jarysqa joldama alady.
Jaqynda ǵana biz ENACTUS-tyń álemdik kýbogynan keldik. Onda Qazaqstan kelesi jyly ótetin stýdenttik kásipkerliktiń Álemdik kýbogyn ótkizý quqyǵyna alǵash ret ie boldy. Álemniń úzdik ýniversitetteri men úzdik komandalary Astana qalasynda 2024 jyly jinalady, - dedi ENACTUS Kazakhstan uiymynyń Prezidenti Albina Erjanova.
Sondai-aq, forým aiasynda ENACTUS Kazakhstan EXPO - innovatsiialyq, ekologiialyq, áleýmettik, digital jáne biznes jobalar kórmesi uiymdastyryldy.
- Bizdiń jobamyzdyń aty - “Silk Route”. Bul jobamen 2022 jyldan beri ainalysyp kelemiz. Qazaqstan boiynsha shýngit ónimderin tek Taldyqorǵan aýmaǵynda Kóksý aýylynda tabýǵa bolady. Biz osy shikizatty paidala otyryp 4 ónim shyǵaramyz: untaq, sabyn, akssesýar jáne sýsyn. Olar teri aýrýlarynyń qabynýyn emdeýge kómektesedi. Onyń barlyǵyn biz qolmen jasap otyrmyz.
Biraq 2024 jyldan bastap Taldyqorǵan qalasynda kásipkerlermen kelisip zaýytta shyǵarýdy josparlap otyrmyz. Qazir jobamyzdyń tabysy 700 myńnan asty, - dedi ENACTUS Jansúgirov kolledj komandasynyń ókili Meirambek Omarhan.
