Almatyda saiabaqtar abattandyrylyp, sýburqaqtar jóndelýde
Natalia Livinskaianyń aitýynsha, aýdandardyń abattandyrylýyna bailanysty Almatyda turǵyndar tynyǵatyn jáne demalatyn jańa oryndar paida bolǵany.
Jasyl ekonomika basqarmasynyń basshysy qoǵamdyq keńistikterdi modernizatsiialaý boiynsha birqatar jobalardyń Almaty qalasynyń ákimi Baqytjan Saǵyntaevqa kórsetilgenin, endi olardy osy jyly iske asyrý boiynsha jumysty bastaýdyń josparlanǵanyn eske saldy.
– Júieli tásil úshin qoǵamdyq keńistikti damytý baǵdarlamasy ázirlendi. Jasyl dáliz, jaǵalaý men jaiaý júrginshiler aimaǵyn qalyptastyrý jospary anyqtaldy. Kógaldandyrý erejeleri anyqtaldy, mysaly, qala ortalyǵynda tarihi kelbetti qalpyna keltirý jumystary júrgizilýde. Jańa Almatyda jańa qoǵamdyq oryndar ashylýda. Biz qalalyq ortany josparlaýda túbegeili jańa tásilderge kóshtik, – dep atap ótti Natalia Livinskaia.
Jasyl ekonomika basqarmasy jumysynyń basty baǵyty – saiabaq aýmaqtaryn josparlaý. Ótken jyly qaraýsyz qalǵan aýmaqtarda jańadan rekreatsiialyq aimaqtar salyndy.
– Sosnovyi bor quryldy, onda 3500 qaraǵai otyrǵyzyldy. Jáne bul qolda bar damý áleýetiniń 10%-y ǵana. Kógaldandyrýdy 63 gektarǵa jetkizý josparda bar. Qaiyń toǵaiy qaraǵai ormanynyń jol boiynda ornalasqan. Áýejai kóliniń janynda úlken rekreatsiialyq aimaqtyń qurylysy da bastaldy, – dedi Natalia Livinskaia.
Spikerdiń aitýynsha, Almatyda megapolis turǵyndarymen keri bailanys belsendi túrde júrgiziledi.
– Biz jańa saiabaqtyń mańynda turatyn turǵyndarǵa ne qajet ekenin talqylaimyz. Osyndai tásilderdiń negizinde biyl tórt jańa saiabaq aimaǵynyń qurylysy bastalady, – dedi Natalia Livinskaia.
Ol Almatyda Qasteev atyndaǵy murajai aýmaǵyndaǵy fontandardy kúrdeli jóndeý júrgizý, Túrksib aýdanyndaǵy Maiak toǵaiyn abattandyrý jáne kógaldandyrý, Jetisý aýdanynyń Kókmaisa shaǵyn aýdanyndaǵy Esentai ózeniniń boiyndaǵy jaǵalaýdy retteý, sondai-aq QUAOBT mańyndaǵy skverdi, QBTÝ mańyndaǵy skverdi, K. Baiseiitova kóshesin jáne M. Mámetova alańyn retke keltirý jumystarynyń jalǵasyp jatqanyn aitty. Kishi Almaty, Esentai, Jarbulaq jáne Tiksai ózenderiniń arnalary boiynda serýendeitin jáne tabiǵi aimaqtar qurylýda.
Sonymen qatar, Sairan kólin jaqsartý boiynsha joba ázirlenýde. Natalia Livinskaianyń aitýynsha, bul jobaǵa Resei men Túrkiianyń dizain biýrolary qyzyǵýshylyq tanytty. Sonymen birge apta saiyn ózen arnalary men jaǵalaýlardyń sanitarlyq -ekologiialyq jaǵdaiyna reidtik tekserý júrgizý úshin komissiia quryldy.
Búginde Almaly, Alataý jáne Bostandyq aýdandarynda buzýshylyqtar anyqtalyp, joiyldy.
Aita keterligi, búginde «Kazselezashita» ál-Farabi men Timiriazev dańǵyly arasyndaǵy ýchaskede Esentai ózeni arnasynyń batpaqty shógindilerin tazartý boiynsha jumys júrgizýde. Sondai-aq, aýdan ákimdikteri kóktemgi jáne jazǵy kezeńde ózender arnalary men oǵan jaqyn ornalasqan aýmaqtardy tazartý jumystaryn júrgizedi.
