24–27 shilde aralyǵynda Almaty qalasynyń Din isteri basqarmasyna qarasty «Din salasyndaǵy máselelerdi zertteý ortalyǵy» aqparattyq-túsindirý sharalaryn uiymdastyrdy. Naýqanǵa jalpy 200-ge jýyq adam qatysty, dep habarlaidy Dalanews.kz.
Is-sharalar túrli áleýmettik toptar arasynda ótkizildi:
-
ózin-ózi jumyspen qamtyǵandarmen – 5 kezdesý,
-
qandastarmen – 1 kezdesý,
-
áielder men qyzdarmen – 1 kezdesý,
-
jumyssyzdarmen – 1 kezdesý ótti.
Kezdesý barysynda dáriskerler qatysýshylarǵa qoǵamdyq oryndarda bet-álpetti tutas jabatyn kiim kiiýge qatysty zańnamadaǵy sońǵy ózgeristerdi túsindirip, memlekettiń zaiyrly qaǵidattary men qundylyqtaryn keńinen túsindirdi. Sonymen qatar aqparattyq materialdar taratyldy.
Basqarma ókilderiniń aitýynsha, qalada ózge dini aǵymdardyń yqpalyna túsken azamattarmen jumys júieli túrde júrgizilip keledi. Qazaqstan Respýblikasynyń Konstitýtsiiasyna sáikes, ár azamattyń ar-ojdan jáne din bostandyǵyna quqyǵy bar, iaǵni kez kelgen dindi ustanýǵa nemese múlde ustanbaýǵa erikti.
Ekstremistik dini aǵymdardyń yqpalyna túsken adamdarǵa kómek kórsetý maqsatynda 2017 jyldan beri «Keńes berý jáne ońaltý ortalyǵy» jumys isteidi. Ortalyqtyń teologtar men psihologtardan quralǵan mamandary radikaldy jáne jalǵan ideologiianyń áserine túsken azamattarǵa keńes berý, aldyn alý jáne ońaltý qyzmetterin kórsetedi.
Qazir bul baǵyttaǵy jumystar júieli túrde jalǵasýda. Sondai-aq ortalyqta senim telefondary jumys isteidi:
-
erler úshin: +7 701 120 75 70,
-
áielder úshin: +7 701 120 05 03.
Mamandar azamattardy kúmándi dini kózqarastar men agressivti ýaǵyzdarǵa beijai qaramaýǵa jáne qajet jaǵdaida ortalyqqa habarlasýǵa shaqyrady.
