24–27 شىلدە ارالىعىندا الماتى قالاسىنىڭ ءدىن ىستەرى باسقارماسىنا قاراستى «ءدىن سالاسىنداعى ماسەلەلەردى زەرتتەۋ ورتالىعى» ءاقپاراتتىق-تۇسىندىرۋ شارالارىن ۇيىمداستىردى. ناۋقانعا جالپى 200-گە جۋىق ادام قاتىستى، دەپ حابارلايدى Dalanews.kz.
ءىس-شارالار ءتۇرلى الەۋمەتتىك توپتار اراسىندا وتكىزىلدى:
-
ءوزىن-وزى جۇمىسپەن قامتىعاندارمەن – 5 كەزدەسۋ،
-
قانداستارمەن – 1 كەزدەسۋ،
-
ايەلدەر مەن قىزدارمەن – 1 كەزدەسۋ،
-
جۇمىسسىزدارمەن – 1 كەزدەسۋ ءوتتى.
كەزدەسۋ بارىسىندا دارىسكەرلەر قاتىسۋشىلارعا قوعامدىق ورىنداردا بەت-الپەتتى تۇتاس جاباتىن كيىم كيۋگە قاتىستى زاڭناماداعى سوڭعى وزگەرىستەردى ءتۇسىندىرىپ، مەملەكەتتىڭ زايىرلى قاعيداتتارى مەن قۇندىلىقتارىن كەڭىنەن ءتۇسىندىردى. سونىمەن قاتار اقپاراتتىق ماتەريالدار تاراتىلدى.
باسقارما وكىلدەرىنىڭ ايتۋىنشا، قالادا وزگە ءدىني اعىمداردىڭ ىقپالىنا تۇسكەن ازاماتتارمەن جۇمىس جۇيەلى تۇردە جۇرگىزىلىپ كەلەدى. قازاقستان رەسپۋبليكاسىنىڭ كونستيتۋسياسىنا سايكەس، ءار ازاماتتىڭ ار-وجدان جانە ءدىن بوستاندىعىنا قۇقىعى بار، ياعني كەز كەلگەن ءدىندى ۇستانۋعا نەمەسە مۇلدە ۇستانباۋعا ەرىكتى.
ەكسترەميستىك ءدىني اعىمداردىڭ ىقپالىنا تۇسكەن ادامدارعا كومەك كورسەتۋ ماقساتىندا 2017 جىلدان بەرى «كەڭەس بەرۋ جانە وڭالتۋ ورتالىعى» جۇمىس ىستەيدى. ورتالىقتىڭ تەولوگتار مەن پسيحولوگتاردان قۇرالعان ماماندارى راديكالدى جانە جالعان يدەولوگيانىڭ اسەرىنە تۇسكەن ازاماتتارعا كەڭەس بەرۋ، الدىن الۋ جانە وڭالتۋ قىزمەتتەرىن كورسەتەدى.
ءقازىر بۇل باعىتتاعى جۇمىستار جۇيەلى تۇردە جالعاسۋدا. سونداي-اق ورتالىقتا سەنىم تەلەفوندارى جۇمىس ىستەيدى:
-
ەرلەر ءۇشىن: +7 701 120 75 70،
-
ايەلدەر ءۇشىن: +7 701 120 05 03.
ماماندار ازاماتتاردى كۇماندى ءدىني كوزقاراستار مەن اگرەسسيۆتى ۋاعىزدارعا بەيجاي قاراماۋعا جانە قاجەت جاعدايدا ورتالىققا حابارلاسۋعا شاقىرادى.
