«Green Recycle» JShS qoqys suryptaý kesheniniń aýmaǵynda Almatynyń Alataý aýdanynda qatty turmystyq qaldyqty shyǵarý úshin 50 jańa mamandandyrylǵan avtokólikti berý rásimi ótti. Is-sharaǵa Qazaqstan Respýblikasynyń Ekologiia jáne tabiǵi resýrstar ministri Erlan Nysanbaev pen Almaty qalasynyń ákimi Darhan Satybaldy qatysty,- dep habarlaidy Dalanews.kz
Tehnikany berý rásimi qorshaǵan ortanyń sapasyn jaqsartýǵa jáne tazalyq mádenietin damytýǵa baǵyttalǵan «Taza Qazaqstan» respýblikalyq ekologiialyq bastamasy aiasynda ótti. Joba «Jasyl damý» AQ jáne «Aq Tártip» JShS-men birlesip júzege asyrylýda jáne Almatyda qaldyqpen jumys isteýdiń barlyq júiesin jańǵyrtýdy kózdeidi.
Jańa tehnika qaldyq shyǵarýdyń tiimdiligin qamtamasyz etedi, qaladaǵy sanitarlyq standartty arttyrady. Avtopark JAC N200 markaly zamanaýi mashinalarmen tolyqty. Tehnika kran-manipýliatorlyq qondyrǵylarmen jabdyqtalǵan jáne qala jaǵdaiyna beiimdelgen. Osynyń arqasynda kásiporyn qaldyq shyǵarýdyń júieliligi men sapasyn arttyryp, kommýnaldyq qyzmet salasynda 50-ge jýyq jańa jumys ornyn asha alady.
Jobany qarjylandyrý «Jasyl damý» AQ arqyly jyldyq 3%-ben 7 jylǵa deiingi merzimmen berilgen «Ónerkásipti damytý qory» AQ-nyń jeńildetilgen qaryzy esebinen júzege asyryldy. Qarjy kádege jaratý tóleminiń tetigi aiasynda bólingen.
Ekologiia ministri Erlan Nysanbaev Almatynyń memlekettik qoldaýdy tiimdi paidalanýda úlgi kórsetip otyrǵanyn atap ótti.
Almaty ákimi Darhan Satybaldy bul is-shara shahardaǵy qaldyqty basqarýdyń ekologiialyq qaýipsiz ári tiimdi júiesi men jaily qalalyq ortany qurý jolyndaǵy mańyzdy qadam bolǵanyn atap ótti.
«Almatyda QTQ jinaý úshin infraqurylymdy jańǵyrtý jumystary júieli túrde júrgizilip jatyr. Biz mamandandyrylǵan tehnikanyń sanyn dáiekti túrde arttyramyz, konteinerlik alańdardy jańartamyz, bólek jinaý júiesin engizemiz. Jańa tehnikany berý qaladaǵy sanitarlyq jaǵdaidy jaqsartýǵa jáne jasyl ekonomikany odan ári damytýǵa qomaqty úles», - dedi Darhan Satybaldy.
Tehnikany berý rásimnen keiin is-sharaǵa qatysýshylar Almatyda qurylǵan tiginen integratsiialanǵan QTQ basqarý konsortsiýmyna kiretin «Green Recycle» JShS qoqys suryptaý kesheniniń jumysymen tanysty. 2018 jyly paidalanýǵa berilgen zaýyt zamanaýi italiandyq jabdyqta táýligine 1500 tonnaǵa deiin qaldyqty suryptai alady. Kásiporynda 650-den astam adam jumys isteidi.
