Almatyda qoǵamdyq kólikte maska rejimin buzǵan 30-dan astam adamǵa aiyppul salyndy
Almatyda aǵymdaǵy jyldyń 12 tamyzynda monitoring toptary qoǵamdyq kóliktegi karantindik rejimdi saqtaý boiynsha kóshpeli qadaǵalaý uiymdastyrdy. Bir táýlik ishinde 91 avtobýs tekserildi.
Almaty qalasynyń qoǵamdyq kólikterinde maska rejimin saqtamaǵan 27 jeke tulǵaǵa QR ÁqbK-niń 425-babynyń 1-bóligine sáikes ákimshilik hattamalar toltyryldy.
Almaty ákimdigi qala turǵyndary men qonaqtaryn ózderiniń jáne ainalasyndaǵylardyń densaýlyǵyn saqtaý úshin sanitarlyq-epidemiologiialyq talaptardy qatań ustanýǵa shaqyrady. Barlyq qala turǵyndaryna nusqaýlar berildi: maska rejimin saqtaý, múmkindiginshe adamdar kóp jinalatyn jerlerge barmaǵan jón.
Qalalyqtarǵa beriletin nusqaýlar:
- jeke tulǵamen bailanystan aýlaq bolý, qushaqtasyp, qol alyspaý;
- qoldy jii jýý, úiden tys jerde bir rettik salfetkany qoldaný;
- jótelgende, túshkirgende betoramaldy qoldaný, shyntaqty iip túshkirý;
- úiden shyǵarda meditsinalyq maska taǵý. Úige oralǵanda maskany, qolǵapty eppen sheship, paketke salyp, ýrnaǵa tastaý. Sodan keiin qoldy jýý nemese dezinfektsiialaý.
Turǵyndar qoǵamdyq kóliktegi qaýipsizdik sharalaryn qatań saqtaýlary tiis, ol úshin:
- qoǵamdyq kólikte júrgende qoldy dezinfektsiialaý;
- sońǵy aialdamaǵa jetken soń qoldy birden sabyndap jýý;
- eger bireý jótelse nemese túshkirse aýyz ben murnyndy taza betoramalmen nemese salfetkamen jabý. Olar bolmasa betti alaqanmen emes, shyntaqtyń ishki jaǵymen qorǵaý;
- jótelgen nemese túshkirgen adamnan aýlaq bolý. Kólik jolaýshylarǵa toly bolsa, onda kelesisin kútý;
- qoǵamdyq kólikte jolaýshylarmen sóilespeý. Múmkindiginshe olardan tiisti (jolaýshy toly kólikke kirmeý, kelesi kólikti kútý) qashyqtyqta bolý;
- múmkin bolsa kólik terezelerin ashý;
- baratyn jerge jetkenshe qoldy betke (aýyzǵa, murynǵa, kózge) tigizbeý.
