Almatyda qyzǵa qol kótergen ákimdik qyzmetkeri qolǵa tústi, dep habarlaidy Dalanews.kz.
Buǵan deiin jelide Almaty jastar saiasaty basqarmasynyń bas mamany qyzdy birneshe ret uryp-soǵyp, jábirlegeni týraly aqparat taraǵan bolatyn. Bul týraly jábirlenýshiniń ózi áleýmettik jelide málimdedi. Onyń aitýynsha, oǵan qatysty zorlyq-zombylyq áreketteri úsh jyldan beri jalǵasyp kelgen.
Almaty ákimdigi Dilmurat Omarovtyń rasymen de Almaty qalasy jastar saiasaty basqarmasynyń bas mamany bolǵanyn habarlady.
"Osy oqiǵadan keiin Omarov 2023 jyldyń 19 aqpanynda óz erkimen jumystan bosatý týraly ótinish berdi. Kadr qyzmeti ótinishti qabyldady jáne Qazaqstan Respýblikasy "Memlekettik qyzmet týraly" Zańynyń 61-baby 1-tarmaǵynyń 1-tarmaqshasyna sáikes Dilmurat Omarov qyzmetinen bosatyldy. Qazirgi tańda osy janjaldyń mán-jaiy quqyq qorǵaý organdarymen tekserilip, oǵan qatysýshylarǵa qatysty quqyqtyq baǵa berý sharalary júrgizilýde", - dedi ákimdik.
Almaty politsiia departamenti Medeý aýdandyq politsiia bólimi alǵan jaraqatqa bailanysty sot-meditsinalyq saraptama taǵaiyndaǵanyn habarlady.
"Er adam qamaýǵa alyndy. Onyń áreketine quqyqtyq baǵa beriledi. Sot otyrysynyń materialdary sheshim qabyldaý úshin sotqa jiberiledi", - dedi politsiia qyzmetkerleri.
