الماتىدا قىزدى ۇرىپ-سوققان اكىمدىك قىزمەتكەرىنىڭ كىم ەكەنى بەلگىلى بولدى

قاراكوز امانتاي 20 اقپ. 2024 12:22 2337

الماتىدا قىزعا قول كوتەرگەن اكىمدىك قىزمەتكەرى قولعا ءتۇستى، دەپ حابارلايدى Dalanews.kz.

بۇعان دەيىن جەلىدە الماتى جاستار ساياساتى باسقارماسىنىڭ باس مامانى قىزدى بىرنەشە رەت ۇرىپ-سوعىپ، جابىرلەگەنى تۋرالى اقپارات تاراعان بولاتىن. بۇل تۋرالى جابىرلەنۋشىنىڭ ءوزى الەۋمەتتىك جەلىدە مالىمدەدى. ونىڭ ايتۋىنشا، وعان قاتىستى زورلىق-زومبىلىق ارەكەتتەرى ءۇش جىلدان بەرى جالعاسىپ كەلگەن.

الماتى اكىمدىگى ءدىلمۇرات وماروۆتىڭ راسىمەن دە الماتى قالاسى جاستار ساياساتى باسقارماسىنىڭ باس مامانى بولعانىن حابارلادى.

"وسى وقيعادان كەيىن وماروۆ 2023 جىلدىڭ 19 اقپانىندا ءوز ەركىمەن جۇمىستان بوساتۋ تۋرالى ءوتىنىش بەردى. كادر قىزمەتى ءوتىنىشتى قابىلدادى جانە قازاقستان رەسپۋبليكاسى "مەملەكەتتىك قىزمەت تۋرالى" زاڭىنىڭ 61-بابى 1-تارماعىنىڭ 1-تارماقشاسىنا سايكەس ءدىلمۇرات وماروۆ قىزمەتىنەن بوساتىلدى. قازىرگى تاڭدا وسى جانجالدىڭ ءمان-جايى قۇقىق قورعاۋ ورگاندارىمەن تەكسەرىلىپ، وعان قاتىسۋشىلارعا قاتىستى قۇقىقتىق باعا بەرۋ شارالارى جۇرگىزىلۋدە"، - دەدى اكىمدىك.

الماتى پوليسيا دەپارتامەنتى مەدەۋ اۋداندىق پوليسيا ءبولىمى العان جاراقاتقا بايلانىستى سوت-مەديسينالىق ساراپتاما تاعايىنداعانىن حابارلادى.

"ەر ادام قاماۋعا الىندى. ونىڭ ارەكەتىنە قۇقىقتىق باعا بەرىلەدى. سوت وتىرىسىنىڭ ماتەريالدارى شەشىم قابىلداۋ ءۇشىن سوتقا جىبەرىلەدى"، - دەدى پوليسيا قىزمەتكەرلەرى.


ۇسىنىلعان
سوڭعى جاڭالىقتار