Almatyda Qazaqstan "Halyq partiiasynyń" sailaýaldy úgit-nasihat is-sharasy ótti
“Almaty – Táýelsizdigimizdiń talbesigi. Shahar iskerlik pen mádeni ómirdiń ortalyǵy retinde elimizdiń damýyna erekshe úles qosyp keledi. Almatyda halyqtyń belsendiligi joǵary bolǵandyqtan bizdiń sailaýaldy baǵdarlamamyzdaǵy ózgerister men reformalardyń negizgi tiregi de osy shahardyń turǵyndary”, – dedi partiia tóraǵasy.
Ol sondai-aq qala halqynyń naqty tabysynyń ósýi týraly QHP baǵdarlamasynyń negizgi bóliginde basa nazar aýdarylyp otyrǵanyn jetkizdi. Shaǵyn jáne orta biznes salasy turǵyndardy jumyspen qamtýdyń 65 paiyzdan astamyn qamtyp otyr.
Osy rette tóraǵa jumysshylardyń eńbegi baǵalanyp, ádil jalaqy alýy mańyzdy ekenine nazar aýdardy.
Sonymen qatar E.Ertisbaev almatylyqtardy qatty alańdatyp otyrǵan ekologiia máselesine keńinen toqtaldy.
