Almatyda joldaǵy qaýipti júrgizý men jyldamdyqty asyrý máselesi qoǵamda qaita qyzý talqylanyp jatyr, dep habarlaidy DalaNews.
Sońǵy oqiǵalardan keiin qala kóshelerinde birneshe kóliktiń qatar qozǵalyp, joǵary jyldamdyqpen manevr jasaýy týraly aqparattar tarady. Bul jaǵdailar kezdeisoq pa álde júieli sipatqa ie me degen suraq týyndatty.
Osy aiada áleýmettik jelilerde eki jyl buryn túsirilgen video qaita tarala bastady. Onda jol erejesin buzǵan júrgizýshiden politsiia qyzmetkeri kim ruqsat bergenin suraǵanda, ol Ýzabaevtyń esimin ataǵan. Keiin belgili bolǵandai, júrgizýshi ol kezde kólikti júrgizý kýáliginsiz basqarǵan.
Bul video qazirgi jaǵdaimen tikelei bailanysty bolmasa da, uqsas kontekst qoǵamda túrli pikir qalyptastyrdy.
Sonymen qatar buǵan deiin Almatyda qymbat Lexus kóligine qatysty da daý týyndaǵany belgili. Keibir aqparat kózderi bul kólik joǵary laýazymdy tulǵalardyń atymen bailanystyrylǵanyn jazǵan, alaida resmi túrde bul málimetter joqqa shyǵarylǵan.
Sarapshylardyń pikirinshe, mundai jaǵdailardyń jii qaitalanýy quqyq qorǵaý júiesine degen senimge áser etedi. Ásirese, joldaǵy tártip pen baqylaý máselesi qoǵam úshin ózekti bolyp otyr.
Qazirgi tańda bul máseleler boiynsha naqty qorytyndy jasalǵan joq. Degenmen qoǵamda negizgi suraq ashyq kúiinde qalyp otyr, qala kóshelerindegi qaýipti júrgizýdiń artynda jai ǵana tártip buzý ma álde tereńirek problema bar ma.
