Almatynyń Tótenshe jaǵdailar departamenti azamattarǵa eskertý jasady, dep habarlaidy Dalanews.kz.
16-17 qańtarda Almaty joldarynda kóktaiǵaq bolyp,tuman túsedi. Taýly aimaqtarda da tuman túsip, qar jaýyp, aýa temperatýrasy kúrt tómendeýi múmkin.
"Jeke qaýipsizdikti saqtaýǵa jáne ýaqytsha taýǵa shyqpaýǵa keńes beremiz. Tútin qubyrynyń germetikalyq jaǵdaiyn qadaǵalańyz, kómirqyshqyl gazy taralýyna jol bermeńiz; elektr qurylǵylardy qosyp, elektr jelilerin artyq júktemeńiz", - dep eskertti TJD ókilderi.
Eske salaiyq, buǵan deiin Almatyda aldaǵy kúnderi qalyń qar jaýatyny habarlandy.
