Almatyda áriptesin abaisyzda óltirip alǵan politsei sottaldy, - dep habarlaidy Dalanews.kz Almaty sottaryna siltep.
Almaly aýdandyq sotynda abaisyzda adam ólimine ákep soqtyrǵany úshin (QK-niń 104-baby 1-bóligi) sottalýshy K.-ǵa qatysty qylmystyq isti qaraý aiaqtaldy.
2023 jyldyń jazynda sottalýshy K. ǵimaratty kúzetý maqsatymen, politsiiasy departamentiniń ǵimaratyna kelgen. Sottalýshynyń áriptesi qyzmettik qarýdy alǵannan keiin, belbeýin bailaý úshin ony ustaýyn K.-dan suraǵan. Sottalýshy K. óz kezeginde qyzmettik qarýdy qolyna alyp, ony qoldanýdyń barlyq erejelerin elemei, qarýdy joǵary-tómen sermeýge kirisken. Onyń osy áreketteriniń saldarynan sottalýshy abaisyzda qarsy turǵan áriptesiniń basynan atyp, politsei sol jerde jan tapsyrǵan.
Q. óz kinásin tolyk moiyndap, jasaǵan áreketine ókindi. Prokýror 1 jyl 6 aiǵa bas bostandyǵynan aiyrýdy surady.
Sot sottalýshy K.-ny kináli dep tanyp. QK 104-babynyń 1-bóligimen 1 jyl 6 aiǵa bas bostandyǵynan aiyrý jazasyn taǵaiyndady. Sot sottalýshydan jábirlenýshiniń paidasyna moraldyq shyǵyn úshin 10 million teńge jáne materialdyq shyǵyn úshin 3,5 million teńge óndirdi.
Jaýapkershilikti jeńildetetin mán-jailar sottalýshynyń óz kinásin moiyndaýy jáne onyń jas bolýy. Jaýapkershilikti aýyrlatatyn mán-jailar anyqtalǵan joq. Úkim zańdy kúshine engen joq jáne oǵan apelliatsiialyq tártippen shaǵym jasalýy múmkin.
