الماتىدا ارىپتەسىن ابايسىزدا ءولتىرىپ العان پوليسەي سوتتالدى، - دەپ حابارلايدى Dalanews.kz الماتى سوتتارىنا سىلتەپ.
المالى اۋداندىق سوتىندا ابايسىزدا ادام ولىمىنە اكەپ سوقتىرعانى ءۇشىن (قك-نىڭ 104-بابى 1-بولىگى) سوتتالۋشى ك.-عا قاتىستى قىلمىستىق ءىستى قاراۋ اياقتالدى.
2023 جىلدىڭ جازىندا سوتتالۋشى ك. عيماراتتى كۇزەتۋ ماقساتىمەن، پوليسياسى دەپارتامەنتىنىڭ عيماراتىنا كەلگەن. سوتتالۋشىنىڭ ارىپتەسى قىزمەتتىك قارۋدى العاننان كەيىن، بەلبەۋىن بايلاۋ ءۇشىن ونى ۇستاۋىن ك.-دان سۇراعان. سوتتالۋشى ك. ءوز كەزەگىندە قىزمەتتىك قارۋدى قولىنا الىپ، ونى قولدانۋدىڭ بارلىق ەرەجەلەرىن ەلەمەي، قارۋدى جوعارى-تومەن سەرمەۋگە كىرىسكەن. ونىڭ وسى ارەكەتتەرىنىڭ سالدارىنان سوتتالۋشى ابايسىزدا قارسى تۇرعان ارىپتەسىنىڭ باسىنان اتىپ، پوليسەي سول جەردە جان تاپسىرعان.
ق. ءوز كىناسىن تولىك مويىنداپ، جاساعان ارەكەتىنە وكىندى. پروكۋرور 1 جىل 6 ايعا باس بوستاندىعىنان ايىرۋدى سۇرادى.
سوت سوتتالۋشى ك.-نى كىنالى دەپ تانىپ. قك 104-بابىنىڭ 1-بولىگىمەن 1 جىل 6 ايعا باس بوستاندىعىنان ايىرۋ جازاسىن تاعايىندادى. سوت سوتتالۋشىدان جابىرلەنۋشىنىڭ پايداسىنا مورالدىق شىعىن ءۇشىن 10 ميلليون تەڭگە جانە ماتەريالدىق شىعىن ءۇشىن 3،5 ميلليون تەڭگە ءوندىردى.
جاۋاپكەرشىلىكتى جەڭىلدەتەتىن ءمان-جايلار سوتتالۋشىنىڭ ءوز كىناسىن مويىنداۋى جانە ونىڭ جاس بولۋى. جاۋاپكەرشىلىكتى اۋىرلاتاتىن ءمان-جايلار انىقتالعان جوق. ۇكىم زاڭدى كۇشىنە ەنگەن جوق جانە وعان اپەللياسيالىق تارتىپپەن شاعىم جاسالۋى مۇمكىن.
