Almatyda Prezident shyrshasy ótti
Shyrsha toiyna turmysy tómen, jetim, oqý ozaty men daryndy jáne erekshe qajettiligi bar, sonymen qatar, oqýda, sportta jáne shyǵarmashylyqta jetistikke jetken daryndy 300 bala shaqyryldy.
Memleket basshysy Qasym-Jomart Toqaevtyń atynan Almaty ákimi Erbolat Dosaev quttyqtap, zor densaýlyq, mol tabys jáne Jańa jylda barlyq armannyń oryndalýyn tiledi.
Roza Rymbaeva «Kel, Jańa jyl!» ánin shyrqap, Aiaz Ata, Aqshaqar jáne 2023 jyldyń nyshany Qoiannyń qatysýymen shyrshanyń shamyn jaǵý – teatrlandyrylǵan qoiylymnyń ózegine ainaldy.
Buǵan qosa, tanymal tulǵalar Prezident shyrshasyna kelgen qonaqtarǵa beinejazba arqyly júrekjardy lebizin joldady. Atap aitqanda, ártis Dimash Qudaibergen, Olimpiada chempiony Dmitrii Balandin, ánshi Daneliia Tóleshova jáne t.b.
«Jańa jyldyq siqyr» mýzykalyq-interaktivti shoý-spektakli shyrsha toiynyń shyraiyn kirgizip, Erke Esmahan, Muhtar Hanzada, KeshYou toby t.b. ánnen shashý shashty.
Is-shara sońynda barlyq qonaq Qazaqstan Respýblikasy Prezidentiniń atynan jańa jyldyq syilyqtar aldy.
