Almatyda politsiia qyzmetkerine shabýyl jasaý jáne qarý qoldaný oqiǵasyna qatysýshylar sottaldy, dep habarlaidy Dalanews.kz.
2024 jylǵy 22 jeltoqsanǵa qaraǵan túni Almaty qalasynyń Medeý aýdanyndaǵy «Barland» barynda qonaqtarmen mekeme kúzetshileriniń qatysýymen keleńsiz oqiǵa oryn alǵan. Taraptar arasyndaǵy janjal urysqa ulasyp, jedel kelip jetken politsiia qyzmetkeri pyshaq jaraqatyn alǵan.
Oqiǵa kezinde kúzetshilerdiń biri tirkelmegen travmatikalyq tapanshamen eki ret oq atqan.
Onyń qarý alyp júrýge jáne qoldanýǵa ruqsaty bolmaǵany, sondai-aq resmi túrde jumysqa ornalaspaǵany anyqtaldy - kúzet qyzmetteri bir rettik negizde rásimdelmei qyzmet atqarǵan.
Tergeý qorytyndysy boiynsha eki qatysýshyda ustalyp, Qazaqstan Respýblikasy Qylmystyq kodeksiniń 293-baby 3-bóligimen (buzaqylyq) jáne 380-baby 3-bóligimen (bilik ókiline qatysty kúsh qoldaný) qylmystyq jaýaptylyqqa tartyldy.
Sot kúzetshini 5 jylǵa, ekinshi qatysýshyny 1 jyl 6 aiǵa sottady.
Qala prokýratýrasynyń úilestirýimen osyndai quqyq buzýshylyqtardyń aldyn-alý maqsatynda demalys jáne mereke kúnderi oiyn-saýyq mekemelerinde politsiia qyzmetkerleriniń kezekshiligi uiymdastyryldy.
