الماتىدا پوليتسييا قىزمەتكەرٸنە شابۋىل جاساۋ جەنە قارۋ قولدانۋ وقيعاسىنا قاتىسۋشىلار سوتتالدى, دەپ حابارلايدى Dalanews.kz.
2024 جىلعى 22 جەلتوقسانعا قاراعان تٷنٸ الماتى قالاسىنىڭ مەدەۋ اۋدانىنداعى «Barland» بارىندا قوناقتارمەن مەكەمە كٷزەتشٸلەرٸنٸڭ قاتىسۋىمەن كەلەڭسٸز وقيعا ورىن العان. تاراپتار اراسىنداعى جانجال ۇرىسقا ۇلاسىپ, جەدەل كەلٸپ جەتكەن پوليتسييا قىزمەتكەرٸ پىشاق جاراقاتىن العان.
وقيعا كەزٸندە كٷزەتشٸلەردٸڭ بٸرٸ تٸركەلمەگەن تراۆماتيكالىق تاپانشامەن ەكٸ رەت وق اتقان.
ونىڭ قارۋ الىپ جٷرۋگە جەنە قولدانۋعا رۇقساتى بولماعانى, سونداي-اق رەسمي تٷردە جۇمىسقا ورنالاسپاعانى انىقتالدى - كٷزەت قىزمەتتەرٸ بٸر رەتتٸك نەگٸزدە رەسٸمدەلمەي قىزمەت اتقارعان.
تەرگەۋ قورىتىندىسى بويىنشا ەكٸ قاتىسۋشىدا ۇستالىپ, قازاقستان رەسپۋبليكاسى قىلمىستىق كودەكسٸنٸڭ 293-بابى 3-بٶلٸگٸمەن (بۇزاقىلىق) جەنە 380-بابى 3-بٶلٸگٸمەن (بيلٸك ٶكٸلٸنە قاتىستى كٷش قولدانۋ) قىلمىستىق جاۋاپتىلىققا تارتىلدى.
سوت كٷزەتشٸنٸ 5 جىلعا, ەكٸنشٸ قاتىسۋشىنى 1 جىل 6 ايعا سوتتادى.
قالا پروكۋراتۋراسىنىڭ ٷيلەستٸرۋٸمەن وسىنداي قۇقىق بۇزۋشىلىقتاردىڭ الدىن-الۋ ماقساتىندا دەمالىس جەنە مەرەكە كٷندەرٸ ويىن-ساۋىق مەكەمەلەرٸندە پوليتسييا قىزمەتكەرلەرٸنٸڭ كەزەكشٸلٸگٸ ۇيىمداستىرىلدى.
