Almatyda politsei dúkennen shyqqan órtti sóndirdi,- dep habarlaidy Dalanews.kz
Almaty qalasynyń Bostandyq aýdanynda kúndiz Timiriazev kóshesinde ornalasqan dúkenniń qasbetinen órt shyqty. Oqiǵaǵa sol kezde aýysymynan keiin úiine qaityp kele jatqan jyldam qimyldaityn arnaiy jasaq qyzmetkeri Jeńis Ábdirahmanov kýá bolǵan. Ol oilanbastan kómekke umtyldy.
Onyń aitýynsha, eń birinshi orynda – ǵimaratta adamdardyń joq ekenine kóz jetkizý boldy.
— Tútindi kórip, jaǵdaidyń kúrdeli ekenin túsindim. Aldymen ishinde adamdardyń bar-joǵyn tekserip, eshkim zardap shekpegenine kóz jetkizdim. Sodan keiin jaqyn mańnan saty taýyp, qoiý tútin shyqqan shatyr bóligin ashtym. Astynan ot oshaǵy anyqtaldy. Qolda bar quraldarmen jalyndy sóndirip úlgerdim, keiin oqiǵa ornyna órt sóndirýshiler keldi, — dedi Ábdirahmanov.
Politseidiń batyl áreketiniń arqasynda órttiń keńinen taralýy men adam shyǵynynyń aldyn alý múmkin boldy. Órt bastapqy kezeńde oqshaýlandy.
— Men tek durys dep sanaǵan áreketti jasadym. Mundai sátterde qyzmette ekeniń mańyzdy emes. Eger kómektese alsań, qaiǵyly jaǵdaidyń aldyn alýǵa múmkindik bolsa – áreket etý kerek. Meniń ornymda kez kelgen azamat solai ister edi dep oilaimyn, — dedi ol.
