Almatyda ózin esirtki qylmystaryna qarsy politsiia qyzmetkerleri retinde tanystyryp, azamattardan aqsha bopsalaǵan adamdar toby ustaldy, dep habarlaidy Dalanews.kz.
Qalalyq PD esirtki qylmystaryna qarsy is-qimyl basqarmasy men SOBR jaýyngerleri birlesken operatsiia barysynda kúdiktilerdi qolǵa túsirdi. Tergeý dereginshe, olar ózderin narkopolitsiia ókili retinde tanystyryp, azamattarǵa qylmystyq jaýapkershilikke tartylatynyn aityp qorqytqan. Osy arqyly kúdiktiler qolma-qol aqsha men banktik aýdarymdardy talap etken.
Kúdiktilerden jalǵan qyzmettik kýálikter, «Politsiiaǵa járdemdesý otriadynyń» qujattary, qolkisender jáne aqsha tárkilendi. Barlyǵy ýaqytsha ustaý izoliatoryna qamaldy. Sot sanktsiiasymen olarǵa qamaýǵa alý bultartpaý sharasy qoldanyldy. «Bopsalaý» baby boiynsha qylmystyq is qozǵaldy.
"Bul – jyl basynan beri ózin politsei retinde tanystyryp, qylmysqa barǵan úshinshi top. Mundai áreketter qoǵam senimin álsiretedi, sondyqtan biz muny qatań toqtatamyz. Naǵyz politsiia qyzmetkerleri zań aiasynda ǵana áreket etedi. Almaty turǵyndaryna aitarym: eger ózin politseimin dep tanystyrǵan adamdardyń áreketine kúmándansańyzdar, birden «102»-ge habarlasyńyzdar", – dedi Almaty qalasy PD esirtki qylmystaryna qarsy is-qimyl basqarmasynyń bastyǵy Murat Jumabaev.
