الماتىدا ٶزٸن ەسٸرتكٸ قىلمىستارىنا قارسى پوليتسييا قىزمەتكەرلەرٸ رەتٸندە تانىستىرىپ, ازاماتتاردان اقشا بوپسالاعان ادامدار توبى ۇستالدى, دەپ حابارلايدى Dalanews.kz.
قالالىق پد ەسٸرتكٸ قىلمىستارىنا قارسى ٸس-قيمىل باسقارماسى مەن سوبر جاۋىنگەرلەرٸ بٸرلەسكەن وپەراتسييا بارىسىندا كٷدٸكتٸلەردٸ قولعا تٷسٸردٸ. تەرگەۋ دەرەگٸنشە, ولار ٶزدەرٸن ناركوپوليتسييا ٶكٸلٸ رەتٸندە تانىستىرىپ, ازاماتتارعا قىلمىستىق جاۋاپكەرشٸلٸككە تارتىلاتىنىن ايتىپ قورقىتقان. وسى ارقىلى كٷدٸكتٸلەر قولما-قول اقشا مەن بانكتٸك اۋدارىمداردى تالاپ ەتكەن.
كٷدٸكتٸلەردەن جالعان قىزمەتتٸك كۋەلٸكتەر, «پوليتسيياعا جەردەمدەسۋ وتريادىنىڭ» قۇجاتتارى, قولكٸسەندەر جەنە اقشا تەركٸلەندٸ. بارلىعى ۋاقىتشا ۇستاۋ يزولياتورىنا قامالدى. سوت سانكتسيياسىمەن ولارعا قاماۋعا الۋ بۇلتارتپاۋ شاراسى قولدانىلدى. «بوپسالاۋ» بابى بويىنشا قىلمىستىق ٸس قوزعالدى.
"بۇل – جىل باسىنان بەرٸ ٶزٸن پوليتسەي رەتٸندە تانىستىرىپ, قىلمىسقا بارعان ٷشٸنشٸ توپ. مۇنداي ەرەكەتتەر قوعام سەنٸمٸن ەلسٸرەتەدٸ, سوندىقتان بٸز مۇنى قاتاڭ توقتاتامىز. ناعىز پوليتسييا قىزمەتكەرلەرٸ زاڭ اياسىندا عانا ەرەكەت ەتەدٸ. الماتى تۇرعىندارىنا ايتارىم: ەگەر ٶزٸن پوليتسەيمٸن دەپ تانىستىرعان ادامداردىڭ ەرەكەتٸنە كٷمەندانساڭىزدار, بٸردەن «102»-گە حابارلاسىڭىزدار", – دەدٸ الماتى قالاسى پد ەسٸرتكٸ قىلمىستارىنا قارسى ٸس-قيمىل باسقارماسىنىڭ باستىعى مۇرات جۇماباەۆ.
