Almatyda metro jolaýshylaryn relske túsip ketýden qorǵaityn temirge 14 mln bólingeni týraly aqparat tarady, dep habarlaidy Dalanews.kz.
"Almaty ákimdigi metro jolaýshylaryn vagondardyń arasyna túsip qalýdan saqtaityn metall tirekterdi ornatýǵa 14 million teńge bóldi. Alaida, fotodan kórip turǵandai, aqsha bosqa ketken", delingen telegram arnanyń birinde.
Metronyń baspasóz qyzmeti Tengrinews.kz-ke bergen jaýabynda metall qalqalar vagondar arasyndaǵy keńistikti qorshaýǵa arnalǵan jáne biýdjet qarajatyn paidalanbai, metronyń paidalaný shyǵyndary esebinen ornatylatynyn aitqan. Alaida metro direktory naqty somany aitpady.
«Bul turaqty platforma esikteri (screen doors) ornatylǵansha jolaýshylar qaýipsizdigine baǵyttalǵan ýaqytsha sheshim», - delingen metro habarlamasynda.
Eske salaiyq, byltyr 17 jeltoqsanda almatylyq turǵyn metro relsine túsip ketip, qaitys boldy.
Oqiǵa "Abai" metro beketinde bolǵan. Kýágerlerdiń sózinshe, turǵyn relske qulap ketken. Jolaýshylar vagonda iterýge tyrysqan. Oqiǵa ornyna politsiia men jedel járdem birden kelgen.
Bul oqiǵaǵa qatysty Almatynyń politsiia departamenti túsinikteme berdi.
Atalǵan derek boiynsha tergeý amaldary júrgizilýde. Oqiǵa saldarynan 26 jastaǵy zaǵip jigit kóz jumdy.
