Bıyl 7 mamyrda Almaty qalasynyń qylmystyq ister jónindegi mamandandyrylǵan aýdanaralyq sotynda Qazaqstan Respýblıkasy Qylmystyq kodeksiniń 99-baby 2-bóligi 7-tarmaǵymen (adam óltirý) aıyptalǵan Ksenıa Borzenkova, Gúzal Ialılovaǵa, Qazaqstan Respýblıkasy Qylmystyq kodeksiniń 432-babymen (qylmysty jasyryp qalý) aıyptalǵan Igor Dýshansqa qatysty qylmystyq is qaraldy.
Qylmystyq istiń materıaldaryna súıensek, 2015 jyldyń 26 sáýirinde Borzenkova óz páterinde tanystary Ialılova jáne Polatovamen spırttik ishimdik iship otyrǵan. Sol ýaqytta Borzenkova men Polatova sózge kelispeı qalady. Borzenkova Polatovaǵa dene jaraqatyn salý týraly qylmystyq oıyn júzege asyrý maqsatymen temir sym alyp, ilmek jasap kúshpen sol ilmekke Polatovanyń basyn kirgizedi, sol ýaqytta Ialılova Borenkovanyń qylmystyq oıyn qoldap, býyndyrýǵa kómektesedi. Polatovany bosatyp, Ialılova men Borzenkova keshirim suraýyn talap etedi, jábirlenýshi oǵan kelispeıdi. Sonyń saldarynan sottalýshylarda Polatovany óltirý oıy týady. Borzenkova adamdar toby, ıaǵnı Ialılovamen aldyn ala sóz baılanysyp, Polatovanyń artynan shyǵyp, qolymen moıyn tusynan qylǵyndyrǵan. Borzenkova oıyn sonyńa jetkizgenine kóz jetkizý maqsatymen jerde jatqan jábirlenýshini eki qolymen moıyn tusynan, aıaǵymen keýde tusynan qylǵyndyrǵan, sonyń saldarynan Polatovany óltirgen. Qylmystyq áreketterin jasyrý maqsatymen as pyshaǵymen Polatovanyń denesin bóshektep polıetılen dorbaǵa salǵan.
Sot ókilderiniń málimetinshe, osydan keıin 27 sáýirde Borzenkova men Ialılova jasaǵan qylmysyn jasyrý úshin, Ialılovamen turatyn Dýshansty shaqyrady. Dýshans kelgennen keıin Borzenkova men Ialılova jasaǵan qylmystaryn aıtyp, polısıaǵa aıtpaýyn jáne istegen qylmystyq áreketterin jasyrýǵa kómek suraıdy. Sodan keıin olar Gazel markaly avtokóligin jaldap, júrgizýshide kúdik týdyrmaý úshin Polatovanyń bólshektelgen denesin kıim arasyna salyp, ony Borzenkovanyń saıajaıyna jetkizedi.
Saıajaıda Ialılova men Dýshans pyshaq qoldanyp terimen etti súıekten ajyratydy, Borzenkova súıekterdi baltamen shabady. Usaqtalǵan súıekterdi en dalaǵa, ish qurylysyn shunqyrǵa kómip tastaǵan. Al basyn, jambas bóligin, terisin jáne súıekten ajyratylǵan etti dorbaǵa salyp, shetke shyǵaryp kómgen.
"Sot otyrysy barysynda Ialılova jáne Dýshans taǵylǵan aıypty tolyq, Borzenkova jartylaı moıyndaǵan. Sot úkimimen Ialılova men Borzenkova Qazaqstan Respýblıkasy Qylmystyq kodeksiniń 99-baby 2-bóligi 7-tarmaǵymen kináli dep tanylyp, olarǵa 16 jyl bas bostandyǵynan aıyrý jazasy taǵaıyndalyp, jazasyn jalpy rejimdegi túzeý kolonıasynda óteý belgilendi, Dýshans Qazaqstan Respýblıkasy Qylmystyq kodeksiniń 432-babymen kináli dep tanylyp, oǵan 2 jyl bas bostandyǵynan aıyrý jazasy taǵaıyndalyp, jazasyn jalpy rejimdegi túzeý kolonıasynda óteý belgilendi", - delingen sottyń habarlamasynda.
Derekkózi: kaz.tengrinews.kz
