بيىل 7 مامىردا الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قازاقستان رەسپۋبليكاسى قىلمىستىق كودەكسىنىڭ 99-بابى 2-بولىگى 7-تارماعىمەن (ادام ءولتىرۋ) ايىپتالعان كسەنيا بورزەنكوۆا، گۇزال ياليلوۆاعا، قازاقستان رەسپۋبليكاسى قىلمىستىق كودەكسىنىڭ 432-بابىمەن (قىلمىستى جاسىرىپ قالۋ) ايىپتالعان يگور دۋشانسقا قاتىستى قىلمىستىق ءىس قارالدى.
قىلمىستىق ءىستىڭ ماتەريالدارىنا سۇيەنسەك، 2015 جىلدىڭ 26 ساۋىرىندە بورزەنكوۆا ءوز پاتەرىندە تانىستارى ياليلوۆا جانە پولاتوۆامەن سپيرتتىك ىشىمدىك ءىشىپ وتىرعان. سول ۋاقىتتا بورزەنكوۆا مەن پولاتوۆا سوزگە كەلىسپەي قالادى. بورزەنكوۆا پولاتوۆاعا دەنە جاراقاتىن سالۋ تۋرالى قىلمىستىق ويىن جۇزەگە اسىرۋ ماقساتىمەن تەمىر سىم الىپ، ىلمەك جاساپ كۇشپەن سول ىلمەككە پولاتوۆانىڭ باسىن كىرگىزەدى، سول ۋاقىتتا ياليلوۆا بورەنكوۆانىڭ قىلمىستىق ويىن قولداپ، بۋىندىرۋعا كومەكتەسەدى. پولاتوۆانى بوساتىپ، ياليلوۆا مەن بورزەنكوۆا كەشىرىم سۇراۋىن تالاپ ەتەدى، جابىرلەنۋشى وعان كەلىسپەيدى. سونىڭ سالدارىنان سوتتالۋشىلاردا پولاتوۆانى ءولتىرۋ ويى تۋادى. بورزەنكوۆا ادامدار توبى، ياعني ياليلوۆامەن الدىن الا ءسوز بايلانىسىپ، پولاتوۆانىڭ ارتىنان شىعىپ، قولىمەن مويىن تۇسىنان قىلعىندىرعان. بورزەنكوۆا ويىن سونىڭا جەتكىزگەنىنە كوز جەتكىزۋ ماقساتىمەن جەردە جاتقان جابىرلەنۋشىنى ەكى قولىمەن مويىن تۇسىنان، اياعىمەن كەۋدە تۇسىنان قىلعىندىرعان، سونىڭ سالدارىنان پولاتوۆانى ولتىرگەن. قىلمىستىق ارەكەتتەرىن جاسىرۋ ماقساتىمەن اس پىشاعىمەن پولاتوۆانىڭ دەنەسىن بوشەكتەپ پوليەتيلەن دورباعا سالعان.
سوت وكىلدەرىنىڭ مالىمەتىنشە، وسىدان كەيىن 27 ساۋىردە بورزەنكوۆا مەن ياليلوۆا جاساعان قىلمىسىن جاسىرۋ ءۇشىن، ياليلوۆامەن تۇراتىن دۋشانستى شاقىرادى. دۋشانس كەلگەننەن كەيىن بورزەنكوۆا مەن ياليلوۆا جاساعان قىلمىستارىن ايتىپ، پوليسياعا ايتپاۋىن جانە ىستەگەن قىلمىستىق ارەكەتتەرىن جاسىرۋعا كومەك سۇرايدى. سودان كەيىن ولار گازەل ماركالى اۆتوكولىگىن جالداپ، جۇرگىزۋشىدە كۇدىك تۋدىرماۋ ءۇشىن پولاتوۆانىڭ بولشەكتەلگەن دەنەسىن كيىم اراسىنا سالىپ، ونى بورزەنكوۆانىڭ ساياجايىنا جەتكىزەدى.
ساياجايدا ياليلوۆا مەن دۋشانس پىشاق قولدانىپ تەرىمەن ەتتى سۇيەكتەن اجىراتىدى، بورزەنكوۆا سۇيەكتەردى بالتامەن شابادى. ۇساقتالعان سۇيەكتەردى ەن دالاعا، ءىش قۇرىلىسىن شۇنقىرعا كومىپ تاستاعان. ال باسىن، جامباس بولىگىن، تەرىسىن جانە سۇيەكتەن اجىراتىلعان ەتتى دورباعا سالىپ، شەتكە شىعارىپ كومگەن.
"سوت وتىرىسى بارىسىندا ياليلوۆا جانە دۋشانس تاعىلعان ايىپتى تولىق، بورزەنكوۆا جارتىلاي مويىنداعان. سوت ۇكىمىمەن ياليلوۆا مەن بورزەنكوۆا قازاقستان رەسپۋبليكاسى قىلمىستىق كودەكسىنىڭ 99-بابى 2-بولىگى 7-تارماعىمەن كىنالى دەپ تانىلىپ، ولارعا 16 جىل باس بوستاندىعىنان ايىرۋ جازاسى تاعايىندالىپ، جازاسىن جالپى رەجىمدەگى تۇزەۋ كولونياسىندا وتەۋ بەلگىلەندى، دۋشانس قازاقستان رەسپۋبليكاسى قىلمىستىق كودەكسىنىڭ 432-بابىمەن كىنالى دەپ تانىلىپ، وعان 2 جىل باس بوستاندىعىنان ايىرۋ جازاسى تاعايىندالىپ، جازاسىن جالپى رەجىمدەگى تۇزەۋ كولونياسىندا وتەۋ بەلگىلەندى"، - دەلىنگەن سوتتىڭ حابارلاماسىندا.
دەرەككوزى: kaz.tengrinews.kz
