"Maqsattyń artynda bir jasar qyzy qaldy, áıeliniń ishinde tórt aılyq bala bar. Ol Áskerden boryshyn ótep kelgen soń kelisim shart boıynsha Ulttyq ulanda qyzmet etti. 2016 jyldyń sáýirinen Almaty qalasy İİD jol-patrýldik polısıasyna qyzmetke turǵan. Ol óte aqkóńil, baýyrmal edi, dostarynyń arasynda lıder bolatyn, osy qasıetinen oqqa ushyp otyr ǵoı", - deıdi Balerke Ótepova.
18 shildedegi jaǵdaı týraly estı sala týystary birden Maqsat Sálimbaevqa qońyraý shalǵan, biraq ol tutqany kótermegen.
"... Keıin, qaza bolǵan polıseılerdiń biri Maqsat ekenin bildik", - dep kóz jasyn toqtata almady ápkesi.
Maqsat Sálimbev óz otbasymen almatyda páter jaldap turǵan. Ár demalysta Jambyl aýdany Qarakástek aýylyndaǵy ata-anasynyń úıine baryp turǵan.
"Úılerinde bes bala, Maqsat uldardyń úlkeni. Úsh qyz, eki ul edi, qazir bir ul ǵana qaldy ǵoı. Ákesiniń qol qanaty bolatyn, baýyrlaryna kómektesip júretin. Men generalǵa deıin ósem deıtin. İshtegi balasy ul bolsa deıtin, maqtanyp", - deıdi Balerke Ótepova.
Maqsat Sálimbaevty 20 shilde kúni saǵat 10:00-de Qarakástek aýylynda jerleıdi.
