"ماقساتتىڭ ارتىندا ءبىر جاسار قىزى قالدى، ايەلىنىڭ ىشىندە ءتورت ايلىق بالا بار. ول اسكەردەن بورىشىن وتەپ كەلگەن سوڭ كەلىسىم شارت بويىنشا ۇلتتىق ۇلاندا قىزمەت ەتتى. 2016 جىلدىڭ ساۋىرىنەن الماتى قالاسى ءىىد جول-پاترۋلدىك پوليسياسىنا قىزمەتكە تۇرعان. ول وتە اقكوڭىل، باۋىرمال ەدى، دوستارىنىڭ اراسىندا ليدەر بولاتىن، وسى قاسيەتىنەن وققا ۇشىپ وتىر عوي"، - دەيدى بالەركە وتەپوۆا.
18 شىلدەدەگى جاعداي تۋرالى ەستي سالا تۋىستارى بىردەن ماقسات سالىمبايەۆقا قوڭىراۋ شالعان، ءبىراق ول تۇتقانى كوتەرمەگەن.
"... كەيىن، قازا بولعان پوليسەيلەردىڭ ءبىرى ماقسات ەكەنىن بىلدىك"، - دەپ كوز جاسىن توقتاتا المادى اپكەسى.
ماقسات سالىمبيەۆ ءوز وتباسىمەن الماتىدا پاتەر جالداپ تۇرعان. ءار دەمالىستا جامبىل اۋدانى قاراكاستەك اۋىلىنداعى اتا-اناسىنىڭ ۇيىنە بارىپ تۇرعان.
"ۇيلەرىندە بەس بالا، ماقسات ۇلداردىڭ ۇلكەنى. ءۇش قىز، ەكى ۇل ەدى، ءقازىر ءبىر ۇل عانا قالدى عوي. اكەسىنىڭ قول قاناتى بولاتىن، باۋىرلارىنا كومەكتەسىپ جۇرەتىن. مەن گەنەرالعا دەيىن وسەم دەيتىن. ىشتەگى بالاسى ۇل بولسا دەيتىن، ماقتانىپ"، - دەيدى بالەركە وتەپوۆا.
ماقسات سالىمبايەۆتى 20 شىلدە كۇنى ساعات 10:00-دە قاراكاستەك اۋىلىندا جەرلەيدى.
