Almatyda jedel járdem kóligi jeńil kólikpen soǵysyp, saldarynan 23 jastaǵy feldsher qyz qaza tapty. Densaýlyq saqtaý ministri Aqmaral Álnazarova osy jaǵdaiǵa qatysty pikir bildirdi, dep habarlaidy Dalanews.kz.
"Jedel meditsinalyq járdem feldsheri Nasiba Muhtarqyzy Jańabaevanyń qyzmettik mindetin atqarý kezinde qaza tapqany týraly qaraly habardy tereń kúizelispen qabyldadym. Nasiba nebári 23 jasta edi, tórt ai buryn ǵana Almaty qalasynyń Jedel járdem qyzmetine jumysqa turǵan bolatyn. Osy qysqa ýaqyt ishinde ol óz mindetine jaýapty, adal, janashyr, árqashan kómek kórsetýge daiyn meditsina qyzmetkeri retinde tanyldy. Nasiba Muhtarqyzynyń týǵan-týystaryna, jaqyndaryna, áriptesterine jáne Almatynyń búkil meditsinalyq qaýymdastyǵyna qaiǵyryp kóńil aitamyn", - dedi ministr.
Politsiia málimetinshe, oqiǵa 3 jeltoqsanǵa qaraǵan túni saǵat 00:40 shamasynda Alataý aýdanynda bolǵan. Aldyn ala derekter boiynsha jedel járdem kóligi burylys jasap jatqan sátte qarsy baǵytta kele jatqan Kia markaly kólik soǵylǵan.
