Almatyda koronavirýs tirkelgen aýdandardyń tizimi ataldy
Almaty ákimdigi qaladaǵy infektsiia oshaqtary týraly aqparat berdi, dep habarlaidy Dalanews.kz.
Almaty qalalyq Bas shtaby COVID-2019 indeti tarai bastaǵan aimaqtarǵa ishtei karantin engizdi.
Almatyda 19 naýryzdaǵy koronavirýstyq infektsiianyń taralýyn boldyrmaýǵa arnalǵan qalalyq shtab otyrysynda COVID-2019 indet oshaqtary tirkelgen aimaqtarǵa ishtei karantin engizý týraly sheshim qabyldandy, delingen habarlamada.
20 naýryzdaǵy derek boiynsha, Almatyda koronavirýstyq infektsiianyń 22 zerthanalyq rastalǵan jaǵdaiy tirkeldi. Almatydaǵy epidemiologiialyq zertteý nátijeleri boiynsha, COVID-2019-nyń 10 oshaǵy anyqtaldy:
- Almaly aýdany - 3;
- Medeý - 3;
- Túrksib - 2;
- Jetisý - 1;
- Alataý - 1.
Bul jerlerde koronavirýstyń odan ári taralýyn boldyrmaý úshin epidemiiaǵa qarsy jáne aldyn-alý sharalary kúsheitildi. Meditsina qyzmetkerleri kórsetilgen aimaqtaǵy barlyq adamdardyń jaǵdaiyn qatań baqylaýǵa alady.
