Almaty qalasy Taýarlar men qyzmetterdiń sapasyn baqylaý departamentiniń deregi boıynsha, aǵymdaǵy jyldyń 26 naýryzyndaǵy jaǵdaı boıynsha, Almatyda koronavırýstyń jeke oshaqtary men 20 kireberis karantınge alyndy dep habarlaıdy Dalanews.kz.
Osy kezeńde kireberiste kúsheıtilgen dezınfeksıalyq rejım engizildi, basqa úılerdiń turǵyndarynyń qozǵalysy men kirýine shekteý qoıyldy. Karantın rejımi merzim aıaqtalǵannan keıin alynyp tastalady.
Búgingi kúni Almaty aýmaǵynda koronavırýstyq ınfeksıanyń 20 oshaǵy bar.
Áýezov aýdanynda — 2 juqtyrý oshaǵy: Jetisý-2 yqshamaýdany, 70a; Mamyr – 4 yqshamaýdany, 313 meken-jaıynda ornalasqan.
Alataý aýdanynda 5 juqtyrý oshaǵy: Zará-Vostok yqshamaýdany, Sary-oı kóshesi, 234; Aqkent yqshamaýdany, 7; Aqbulaq yqshamaýdany, 9- de ornalasqan.
Almaly aýdany boıynsha 3 oshaq. Iaǵnı Jeltoqsan kóshesi, 125; Jarokov kóshesi, 16; Jarokov kóshesi, 7-de ornalasqan.
Medeý aýdanynda 4 oshaq tirkeldi. Olar Zenkov kóshesi, 59; Dostyq kóshesi, 162; Gogol kóshesi, 75; Qonaev kóshesi, 62-de.
Jetisý aýdanynda — 2 oshaq bar. Eńlikgúl, 34a, Volochaevskaıa kóshesi, 51.
Túrksib aýdanynda 5 oshaq tirkelgen. Altaı-1, 8; «Jas qanat» yqshamaýdany, 86; Maılın kóshesi, 77; Spasskaıa k-si, 63; Juldyz-2 yqshamaýdany, 45.
Bostandyq aýdanynda — 1 oshaq Turǵyt-Ozal kóshesi, 242 meken-jaıynda.
Sonymen qatar, Zenkov kóshesi, 59 mekenjaıy boıynsha oshaǵy aımaǵynan aǵymdaǵy jyldyń 27 naýryzy saǵat 00:00-den bastap shekteý sharalary alynady.
Almaty qalasynyń turǵynynyń koronavırýs ınfeksıasynan emdelip shyqqany burynda habarlandy. Atalǵan emdelýshi 14 kún ishinde úı karantıninde bolady, medısına qyzmetkerleri densaýlyq jaǵdaıyna monıtorıń júrgizedi.
Qala bıligi almatylyqtardy karantın rejımin qatań saqtaýǵa, karantındik aýmaqtyń ishinde júrýden aýlaq bolýǵa, jeke gıgıena sharalaryn saqtaýǵa, týys, dos, áriptesteri men jáne t. b. adamdarmen qarym-qatynasty shekteýdi suraıdy.
Mundaǵy maqsat — ár adamnyń ózin koronavırýstyq ınfeksıa juqtyrýdan saqtaý, týǵandary men jaqyndary jáne aınalasyndaǵylarǵa da juqtyrý qaýpin tómendetý. Qala ákimdigi, medısınalyq jáne sanıtarlyq-epıdemıologıalyq baqylaý qyzmetteri tarapynan indettiń oshaq aýmaǵynan tys jerge taralyp ketpeýi úshin kúsheıtilgen is-sharalar atqarylýda.
