Almatylyq qutqarýshylar ózenge qulap ketken avtokólikti alyp shyqty, dep habarlaidy Dalanews.kz.
Búgin Almaty qalasy TJD 112 pýltine kýágerlerden Kishi Almaty ózeniniń arnasynda «Almarasan» shatqalynda kólik turyp qalǵany týraly habarlama kelip tústi.
Habarlama túskennen keiin TJM «Barys» RJQ qutqarýshylary, Qutqarý qyzmeti, Almaty q. TJD qyzmetkerleri jáne «Qazseldenqorǵaý» mamandary jedel túrde oqiǵa ornyna keldi.
TJM Qazseldenqorǵaý avtokranynyń kómegimen, sondai-aq qutqarýshylardyń úilesimdi áreketteriniń arqasynda avtokólik sýdan shyǵarylyp, iesine berildi. Zardap shekkender joq.
Qutqarýshylar qaýipsizdik sharalaryn saqtaýdy jáne sý deńgeii kóterilgen kezeńde ózen arnalary men taý shatqaldaryna avtokólikpen barmaýdy eskertedi.
