الماتىلىق قۇتقارۋشىلار وزەنگە قۇلاپ كەتكەن اۆتوكولىكتى الىپ شىقتى، دەپ حابارلايدى Dalanews.kz.
بۇگىن الماتى قالاسى تجد 112 پۋلتىنە كۋاگەرلەردەن كىشى الماتى وزەنىنىڭ ارناسىندا «الماراسان» شاتقالىندا كولىك تۇرىپ قالعانى تۋرالى حابارلاما كەلىپ ءتۇستى.
حابارلاما تۇسكەننەن كەيىن تجم «بارىس» رجق قۇتقارۋشىلارى، قۇتقارۋ قىزمەتى، الماتى ق. تجد قىزمەتكەرلەرى جانە «قازسەلدەنقورعاۋ» ماماندارى جەدەل تۇردە وقيعا ورنىنا كەلدى.
تجم قازسەلدەنقورعاۋ اۆتوكرانىنىڭ كومەگىمەن، سونداي-اق قۇتقارۋشىلاردىڭ ۇيلەسىمدى ارەكەتتەرىنىڭ ارقاسىندا اۆتوكولىك سۋدان شىعارىلىپ، يەسىنە بەرىلدى. زارداپ شەككەندەر جوق.
قۇتقارۋشىلار قاۋىپسىزدىك شارالارىن ساقتاۋدى جانە سۋ دەڭگەيى كوتەرىلگەن كەزەڭدە وزەن ارنالارى مەن تاۋ شاتقالدارىنا اۆتوكولىكپەن بارماۋدى ەسكەرتەدى.
