Almatyda birneshe kólik jol apatyna tústi, dep habarlaıdy Dalanews.kz ZTB-ǵa silteme jasap. 

Apat saǵat 11:30 shamasynda Ál-Farabı dańǵylynda, «Nur-Múbarak» meshiti mańynda bolǵan.

Aldyn ala málimet boıynsha, BYD taksıin basqarǵan júrgizýshiniń qozǵalys kezinde júregi kenetten toqtap, kólik basqarýdan shyǵyp ketken. Nátıjesinde taksı Ford Focus, Chevrolet Monza, Subaru Impreza, Volkswagen Golf jeńil kólikterine jáne №127 baǵyttaǵy qalalyq avtobýsqa soqtyǵysqan.

Taksı júrgizýshisi oqıǵa ornynda kóz jumdy.

Qalalyq polısıa departamenti jol apatyna júrgizýshiniń densaýlyǵynyń kúrt nasharlaýy sebep bolǵanyn málimdedi.