Almatyda 27 jastaǵy óndiristik alpinist banner ornatý kezinde 12-qabattan qulap, qaza boldy, dep habarlaidy Dalanews.kz.
Qaiǵyly oqiǵa 3 jeltoqsanda Tóle bi kóshesindegi "Ásem Plaza" turǵyn úi keshenderiniń birinde bolǵan.
Almaty Politsiia departamenti eńbek qorǵaý erejeleriniń buzylýy deregi boiynsha qylmystyq is qozǵalǵanyn habarlady.
"Almaly aýdandyq PB-na qarasty politsiia bólimi 27 jastaǵy jigittiń ólimine ákep soqtyrǵan eńbek qaýipsizdigi erejelerin buzý deregi boiynsha qylmystyq is qozǵady. Oqiǵanyń basqa da mán-jailaryn anyqtaýǵa baǵyttalǵan tergeý sharalary kesheni júrgizilip jatyr", - dedi Almaty qalasy politsiia departamentiniń resmi ókili Saltanat Ázirbek Baq.kz agenttigine.
Eske salaiyq, buǵan deiin Túrksib aýdanyndaǵy “Norma Logistics” JShS-ne tiesili qoima kesheninde jumysshynyń qaza bolǵany týraly jazǵan edik.
Áleýmettik jelilerde taraǵan málimetke sáikes, 21 jastaǵy azamat dánekerleý jumystaryn atqaryp jatqan sátte jedel satynyń astyna túsip qalǵan.
Almaty qalasynyń Politsiia departamenti bul oqiǵaǵa qatysty pikir bildirdi. Túrksib aýdandyq politsiiasy eńbek qaýipsizdigi erejeleriniń buzylýy deregi boiynsha qylmystyq is qozǵaǵanyn málimdedi.
