Almatyda jol apatyna ushyraǵan avtobýs júrgizýshisi Ermek Shókebaeva qaza tapqandardyń otbasyna kóńil aitty. 22 jeltoqsanda Almatydaǵy «Qalqaman» aialdamasynda avtobýs jaiaý júrginshilerdi basyp ketip, 3 adam qaitys boldy. Qoǵamdyq kólik júrgizýshisin urǵan er adam ustaldy. Atalǵan derek negizinde QR QK-niń 345-baby 3-bóligi boiynsha sotqa deiingi tergeý bastaldy.
Jolaýshynyń shabýylynan esinen tanyp qalǵan júrgizýshi óziniń ústinen qylmystyq is qozǵalǵanyn habarlady. Qaz365.kz tilshisiniń saýalyna politsiia áielden jaýap alynǵanyn rastady.
«Men osy qaiǵyly jaǵdaiǵa bailanysty qaza tapqan marqumdardyń týystaryna kóńil aitamyn. Meniń tarapymnan eshqandai ádeii osylai isteiin degen niet bolǵan joq. Mundaidy jaýyma da tilemespin. Ózimdi kináli sanamaimyn. Jolaýshy esimnen tanyp qalǵansha urdy.
Aýrýhanada jatqanymda tergeýshi keldi. Bireýi er, ekinshisi áiel. Siz zardap shegýshisiz. Kináńiz joq dep aitqan. Endi jazylyp shyqqanda aýyr bap boiynsha aiyptap jatqanyn bildim. Ózim arendaǵa úi jaldap turamyn. Eki balam bar. Solar úshin eńbek etip kelemin. Meniń jumysyma eshkim shaǵymdanbaǵan. Maǵan osyndai qylmystyq kodeks boiynsha ne úshin aýyr aiyp taǵyp jatqanyn túsinbeimin. Eger soqqy almaǵanymda, mundai jol apatyna jol bermes edim. Ádildik bolady dep úmittenemin», – deidi Ermek Shókebaeva.
