«Almaty» áleýmettik-kásipkerlik korporatsiiasy elektr zariadtaý stantsiialaryn (EZS) ornatý úshin 311 jer telimin bóldi. Árbir ýchaskede konkýrstyq irikteýden ótken otandyq investorlar eki parkomestke eseptelgen qýaty 60 kVt-tan bastalatyn bir EZS ornalastyrady. Barlyq stantsiialar paidalanýǵa berilgennen keiin qalada elektromobilderdi zariadtaýǵa arnalǵan 622 jańa parkomestr paida bolady, – dep habarlaidy Dalanews.kz
Bir ýchaskege investordyń eń tómengi salymy 10 mln teńgeni quraidy. Bul rette halyq úshin akkýmýliatorlyq batareiany zariadtaýdyń 1 kVt úshin shekti quny QQS esebimen 100 teńgeden aspaidy.
Ýchaskeler uzartýǵa basym quqyǵy bar investorlarǵa 4 jyl merzimge berildi.
Zariadtaý stantsiialaryn ornatý qala turǵyndarynyń jappai tartylatyn jerlerinde-bazarlar, saiabaqtar, kafeler jáne basqa da qoǵamdyq keńistikter aýmaǵynda josparlanýda.
Barlyq stantsiialar aǵymdaǵy jyldyń sońyna deiin paidalanýǵa beriledi.
Búgingi tańda Almatyda jeke aýmaqtarda 300-den astam EZS ornatylǵan. Jańa nysandardy eskere otyryp, qala boiynsha zariadtaý stantsiialarynyń jalpy sany 600 birlikten asady.
EZS qurylysy «2029 jylǵa qarai barlyq iri qalalarda elektromobilder úshin qajetti infraqurylymdy qurý jónindegi jol kartasy» sheńberinde júzege asyrylady. Joba Almatydaǵy ekologiialyq jaǵdaidy jaqsartý qajettiligine bailanysty, sondai-aq megapolistegi elektr kólikteriniń ósip kele jatqan sanyn eskere otyryp iske asyrylýda.
Ulttyq statistika biýrosynyń derekterine sáikes, 2025 jyldyń 1 sáýirinde Almatyda 8 385 elektromobil tirkelgen. Ótken jyldyń sáikes kezeńimen salystyrǵanda olardyń sany 1,5 ese ósti.
