Bostandyq aýdanyndaǵy №199 gimnaziianyń jańa korpýsy mekteptegi oqýshy ornynńyń tapshylyǵyn tolyǵymen jabady. Osy ýaqytqa deiin jobalyq qýaty 168 oryndyq mektepte 482 bala oqydy. Oryn jetkiliksiz boldy. Endi 425 oryndyq jańa korpýstyń arqasynda barlyq mektep oqýshylary jaily jaǵdaida oqi alady.
– Kóp jumys jasaldy, qazir bizdiń gimnaziianyń keńeigenine óte qýanyshtymyn. Búginde aýdanymyz ósýde, kóptegen jańa úiler salynýda, oqýshy oryndary jetispeitindikten, mektepter salý qajet, – dedi qala ákimine bilim berý ardageri Ásem Bespaeva.
Qala basshysybilim berý obektilerin salý qurylysty sapaly júrgizýge ári mekteptiń jańa korpýsyn barynsha qysqa merzimde paidalanýǵa berýge yqpal etti. Qurylys jumystary ótken jyly bastalyp, biyl Bilim kúni mektep júzdegen oqýshylarǵa esigin ashty.
№199 kórkemdik-estetikalyq jáne italian tiline mamandandyrylǵan gimnaziia mektebiniń direktory Sandýǵash Nyshanova bul bilim berý mekemesi 2017 jyly №2 balalar úiiniń ǵimaratynyń bazasynda uiymdastyrylǵanyn atap ótti.
1962 jyly salynǵan eski ǵimarat barlyq qajettilikterdi qanaǵattandyrmady jáne kóp balalarǵa eseptelmegen. Sondyqtan, ákimdik jańa bilim berý ǵimaratyn salý arqyly ony jańǵyrtýǵa sheshim qabyldandy.
– Jańa mektep ǵimaraty úsh qabatty. Onda 240 oryndyq ashana, akt zaly, úlken sport zaly, zamanaýi kitaphana jáne muǵalimder bólmesi bar. Bul ǵimarat zamanaýi mekteptiń barlyq standarttary men normalaryna sáikes keledi. Synyptar kompiýtermen jabdyqtalǵan, kórkem sabaqtar ótkizýdiń barlyq arnaiy qurylǵylarymen jabdyqtalǵan, – dedi gimnaziia mektebiniń direktory.
Sandýǵash Nyshanova jalpy bilim beretin pánder jańa korpýsta oqytylatynyn, al eski korpýstaǵy sheberhanalar shyǵarmashylyqpen ainalysýǵa sai jabdyqtalatynyn aitty. Sonymen qatar, eski ǵimaratty óner mektepteriniń standarttaryna sai etip jańartý josparlanýda.
– Jańa korpýsty salyp bergennen ózge bizge qorshaýdy aýystyrdy, aýmaqty abattandyrdy, aǵashtar otyrǵyzdy. Mektepti, kitaphanany bezendirýdiń dizainyn biz ózimiz jasadyq, – deidi mektep direktory.
Almatyda 2021-2022 oqý jylynda jalpy kontingenti 300 myńnan asatyn 289 mektep bar, onyń 207-si memlekettik jáne 82-si jekemenshik mektepter. Oqýshy oryndarynyń tapshylyǵyn kezeń-kezeńimen sheshý úshin bilim berý obektileriniń qurylysy júrgizilýde.
Jalpy qaladaǵy mektep oqýshylaryna jaily oqý úderisin qamtamasyz etý maqsatynda biyl 12 600 oryndyq 8 mektep salynýda. Sonyń ishinde 5100 oryndy 3 mektep aǵymdaǵy jyldyń jeltoqsanynda berilmekshi. Al 2022 jyly qalǵan 5 mektep ekinshi toqsanda paidalanýǵa beriledi dep kútilýde. Jalpy, jyl sońyna deiin jalpy sany 16 myń oqýshy orny bar 31 bilim nysany iske qosylady.
