بوستاندىق اۋدانىنداعى №199 گيمنازيانىڭ جاڭا كورپۋسى مەكتەپتەگى وقۋشى ورنىنڭىڭ تاپشىلىعىن تولىعىمەن جابادى. وسى ۋاقىتقا دەيىن جوبالىق قۋاتى 168 ورىندىق مەكتەپتە 482 بالا وقىدى. ورىن جەتكىلىكسىز بولدى. ەندى 425 ورىندىق جاڭا كورپۋستىڭ ارقاسىندا بارلىق مەكتەپ وقۋشىلارى جايلى جاعدايدا وقي الادى.
– كوپ جۇمىس جاسالدى، ءقازىر ءبىزدىڭ گيمنازيانىڭ كەڭەيگەنىنە وتە قۋانىشتىمىن. بۇگىندە اۋدانىمىز وسۋدە، كوپتەگەن جاڭا ۇيلەر سالىنۋدا، وقۋشى ورىندارى جەتىسپەيتىندىكتەن، مەكتەپتەر سالۋ قاجەت، – دەدى قالا اكىمىنە ءبىلىم بەرۋ ارداگەرى اسەم بەسپايەۆا.
قالا ءباسشىسىبىلىم بەرۋ وبەكتىلەرىن سالۋ قۇرىلىستى ساپالى جۇرگىزۋگە ءارى مەكتەپتىڭ جاڭا كورپۋسىن بارىنشا قىسقا مەرزىمدە پايدالانۋعا بەرۋگە ىقپال ەتتى. قۇرىلىس جۇمىستارى وتكەن جىلى باستالىپ، بيىل ءبىلىم كۇنى مەكتەپ جۇزدەگەن وقۋشىلارعا ەسىگىن اشتى.
№199 كوركەمدىك-ەستەتيكالىق جانە يتاليان تىلىنە مامانداندىرىلعان گيمنازيا مەكتەبىنىڭ ديرەكتورى ساندۋعاش نىشانوۆا بۇل ءبىلىم بەرۋ مەكەمەسى 2017 جىلى №2 بالالار ءۇيىنىڭ عيماراتىنىڭ بازاسىندا ۇيىمداستىرىلعانىن اتاپ ءوتتى.
1962 جىلى سالىنعان ەسكى عيمارات بارلىق قاجەتتىلىكتەردى قاناعاتتاندىرمادى جانە كوپ بالالارعا ەسەپتەلمەگەن. سوندىقتان، اكىمدىك جاڭا ءبىلىم بەرۋ عيماراتىن سالۋ ارقىلى ونى جاڭعىرتۋعا شەشىم قابىلداندى.
– جاڭا مەكتەپ عيماراتى ءۇش قاباتتى. وندا 240 ورىندىق اسحانا، اكت زالى، ۇلكەن سپورت زالى، زاماناۋي كىتاپحانا جانە مۇعالىمدەر بولمەسى بار. بۇل عيمارات زاماناۋي مەكتەپتىڭ بارلىق ستاندارتتارى مەن نورمالارىنا سايكەس كەلەدى. سىنىپتار كومپيۋتەرمەن جابدىقتالعان، كوركەم ساباقتار وتكىزۋدىڭ بارلىق ارنايى قۇرىلعىلارىمەن جابدىقتالعان، – دەدى گيمنازيا مەكتەبىنىڭ ديرەكتورى.
ساندۋعاش نىشانوۆا جالپى ءبىلىم بەرەتىن پاندەر جاڭا كورپۋستا وقىتىلاتىنىن، ال ەسكى كورپۋستاعى شەبەرحانالار شىعارماشىلىقپەن اينالىسۋعا ساي جابدىقتالاتىنىن ايتتى. سونىمەن قاتار، ەسكى عيماراتتى ونەر مەكتەپتەرىنىڭ ستاندارتتارىنا ساي ەتىپ جاڭارتۋ جوسپارلانۋدا.
– جاڭا كورپۋستى سالىپ بەرگەننەن وزگە بىزگە قورشاۋدى اۋىستىردى، اۋماقتى اباتتاندىردى، اعاشتار وتىرعىزدى. مەكتەپتى، كىتاپحانانى بەزەندىرۋدىڭ ديزاينىن ءبىز ءوزىمىز جاسادىق، – دەيدى مەكتەپ ديرەكتورى.
الماتىدا 2021-2022 وقۋ جىلىندا جالپى كونتينگەنتى 300 مىڭنان اساتىن 289 مەكتەپ بار، ونىڭ 207ء-سى مەملەكەتتىك جانە 82ء-سى جەكەمەنشىك مەكتەپتەر. وقۋشى ورىندارىنىڭ تاپشىلىعىن كەزەڭ-كەزەڭىمەن شەشۋ ءۇشىن ءبىلىم بەرۋ وبەكتىلەرىنىڭ قۇرىلىسى جۇرگىزىلۋدە.
جالپى قالاداعى مەكتەپ وقۋشىلارىنا جايلى وقۋ ۇدەرىسىن قامتاماسىز ەتۋ ماقساتىندا بيىل 12 600 ورىندىق 8 مەكتەپ سالىنۋدا. سونىڭ ىشىندە 5100 ورىندى 3 مەكتەپ اعىمداعى جىلدىڭ جەلتوقسانىندا بەرىلمەكشى. ال 2022 جىلى قالعان 5 مەكتەپ ەكىنشى توقساندا پايدالانۋعا بەرىلەدى دەپ كۇتىلۋدە. جالپى، جىل سوڭىنا دەيىن جالپى سانى 16 مىڭ وقۋشى ورنى بار 31 ءبىلىم نىسانى ىسكە قوسىلادى.
