Almatyda jekpe-jek ortalyǵy men «Boks álemi» sport kesheni ashyldy
Almaty qalasynyń ákimi Baqytjan Saǵyntaev megapolisti «Shetsiz qala» qaǵidaty boiynsha damytýǵa erekshe nazar aýdarady. Bul tarihi ortalyq pen oǵan qosylǵan aýdandardy damytýdy kózdeidi.
B. Saǵyntaev Almatynyń jańa yqshamaýdandarynda áleýmettik mańyzy bar nysandar, sonyń ishinde sport mekemeleri salyp, ortalyq pen shalǵai aýdandary turǵyndarynyń joǵary ómir sapasyna qol jetkizýin qamtamasyz etýde biraz jumystar atqarylýda.
Qazaqstan úshin aitýly mereke qurmetine Almatynyń Alataý aýdanynda jekpe-jek ortalyǵy ashyldy. Is-shara sanitarlyq-epidemiologiialyq talaptardy saqtai otyryp uiymdastyryldy. Is-sharaǵa aýdan ákimdiginiń ókilderi, ataqty sportshylar, aýdannyń qurmetti turǵyndary qatysty.
Almaty qalalyq máslihatynyń depýtaty Qairat Qudaibergen Áigerim yqshamaýdanyndaǵy jekpe-jek ortalyǵy jattyǵý bazasyn qurýǵa jáne sportshylardy daiyndaýǵa jaǵdai jasaýǵa múmkindik beretinin aitty.
– Elbasy Qazaqstanda sportty damytýǵa erekshe mán beredi. Táýelsizdik alǵan kúnnen bastap Almatyda zamanaýi sport nysandary, sport zaldary, fitnes ortalyqtar salynýda. Aýla klýbtary uiymdastyrylýda. Bul jyl saiyn sportpen shuǵyldanǵysy keletinderdiń kóbeiýine yqpal etedi. Endi munda balalar men jasóspirimder ýaqytyn tiimdi ótkize alatyny qýantady, – dedi Q. Qudaibergen.
Jekpe-jek ortalyǵyna birinshi dárejeli sanattaǵy jáne az qamtylǵan kópbalaly otbasydan shyqqan balalar qatysa alady. Munda qazaqsha kúres, sambo, djiý-djitsý boiynsha sporttyq sektsiialar ótedi.
– Ótken jyly aýdanymyzda 15 sport alańy, 6 fýtbol alańy men jattyǵý alańdary ashyldy. Biyl Almaty qalasynyń ákimi Baqytjan Saǵyntaevtyń qoldaýymen bul jumys jalǵasyn tapty. 35 sport nysany ashyldy. Sonyń ishinde sport, vorkaýt alańdary, jekpe-jek ortalyǵy bar. Qala kúnine deiin birqatar basqa nysandar paidalanýǵa beriledi, – dedi Alataý aýdany ákimdigi.
Áýezov aýdanynda ashylǵan «Boks álemi» sport kesheni qazaqstandyq boksshy, Olimpiada chempiony Bekzat Sattarhanovtyń esimimen atalady.
«Boks álemi» sport kesheni 3 shaǵyn aýdanda ornalasqan jáne 2021-2025 jyldarǵa arnalǵan «Deni saý ult» ulttyq jobasy aiasynda ashylǵan. Munda shamamen 50 bala jattyǵatyn bolady. Az qamtylǵan ári kóp balaly otbasylardan shyqqan balalar úshin tegin sektsiialar jumysy ótedi.
– Búgin, bizde qos mereke QR Táýelsizdiginiń 30 jyldyǵy men Astana kúni. Endi Áýezov aýdanynda bolashaq Olimpiada chempiondary jattyǵatyn taǵy bir oryn bar. Bizdiń aýdannyń boksshylary daiyndyqqa arnalǵan arnaiy bazaǵa ie bolyp, eń úzdik kórsetkishterge jáne iri jarystarda jarqyn jeńisterge qol jetkizedi dep oilaimyn, – dedi aýdan ákimdigi.
Ortalyq direktory B. Syrlybaev boks zaly barlyq zamanaýi talaptarǵa jaýap beretinin, soqqylardy pysyqtaýǵa qajet barlyq qural-jabdyqtar bar ekenin atap ótti.
