Almatyda jeke sot oryndaýshy búdjet qarajatyn jymqyrǵany úshin sottaldy, dep habarlaıdy Dala News.
Prokýratýra tekserisi barysynda sot oryndaýshy 2024 jyly alıment óndirip alý isteri boıynsha óz qyzmetine tólem alý kezinde zań talaptaryn buzǵany anyqtalǵan.
Tergeý málimetinshe, ol bir atqarýshylyq is boıynsha jylyna bir retten artyq tólem alýǵa bolmaıtynyna qaramastan, Ádilet departamentine 47 is boıynsha 76 ret qaıtalama esep tapsyrǵan. Osylaısha zańsyz túrde 4,2 mln teńge alǵan.
Almalın aýdandyq sotynyń úkimimen ol 2 jyl 4 aıǵa bas bostandyǵynan aıyryldy. Sondaı-aq 5 jylǵa tıisti qyzmetpen aınalysý quqyǵynan aıyryldy.
