Almatyda jedel járdem kóligi jeńil kólikpen soǵysyp, saldarynan 23 jastaǵy feldsher qyz qaza tapty, dep habarlaidy Dalanews.kz.
Politsiia málimetinshe, oqiǵa 3 jeltoqsanǵa qaraǵan túni saǵat 00:40 shamasynda Alataý aýdanynda bolǵan. Aldyn ala derekter boiynsha jedel járdem kóligi burylys jasap jatqan sátte qarsy baǵytta kele jatqan Kia markaly kólik soǵylǵan.
"Eki kóliktiń de júrgizýshileri men jolaýshylary túrli jaraqat aldy. Al jedel járdem salonynda bolǵan feldsher aýyr halde aýrýhanaǵa jetkizildi, alaida dárigerler onyń ómirin saqtap qala almady", – dep jazylǵan politsiia habarlamasynda.
Bul derek boiynsha qylmystyq is qozǵaldy.
"Barlyq saraptama taǵaiyndaldy, oqiǵanyń naqty sebebi men mán-jaiy anyqtalyp jatyr", – dep málimdedi Almaty qalalyq Politsiia departamenti ókili.
Aita keteiik, bul – keiingi ýaqytta feldsher mamandar qaza tabýymen bailanysty ekinshi qaiǵyly jaǵdai. Buǵan deiin Astanada 23 jastaǵy jedel járdem qyzmetkeri Uldana Myrzýan turǵyn úidiń qasbeti opyrylǵan kezde jaraqat alyp, qaitys boldy.
