Almatyda jasyl jelekterdi kóbeitip, qorǵaýdyń erejesi ázirlendi
Búgin Almaty qalasy ákiminiń orynbasary Álisher Ábdiqadyrovtyń tóraǵalyǵymen Almaty qalasy Ekologiia jáne qorshaǵan orta basqarmasynyń ókilderi, Almaty qalasy máslihaty men Qoǵamdyq Keńesiniń depýtattary, sondai-aq belgili ǵalymdar, kógaldandyrýshylar men eko-belsendilerdiń qatysýymen dóńgelek ústel ótti, – dep habarlaidy Dalanews.kz.
Basqosýda Almaty qalasy aýmaǵynda ósetin jasyl jelekterdi kútip ustaý jáne qorǵaý Erejeleriniń jobasy talqylandy.
Erejeler jobasynda alǵash ret sýarý, onyń ishinde sýarý júiesin uiymdastyrý, jasyl jelekterdi ziiankester men aýrýlardan biologiialyq óńdeý, neǵurlym sapaly otyrǵyzý materialdaryn tańdaý, obektilerden aǵashtarǵa deiingi eń az araqashyqtyqty saqtaý, aǵashtardy sanitarlyq jáne qalyptap kesý júrgizý, aýmaqtardy salý nemese rekonstrýktsiialaý týraly sheshimder qabyldaý kezinde mindetti túrde qoǵamdyq tyńdaýlar ótkizý jónindegi negizgi normalar men talaptar engiziledi.
Jańa Erejelerge sáikes, ótemdik ekpeler kezinde biiktigi keminde 2,5 metr kesekpen nemese biiktigi keminde 2 metr qylqan japyraqty aǵashtardy úsh jyl boiy odan ári kútimmen kesekpen otyrǵyzý qarastyrylǵan.
Budan basqa, Erejelermen jasyl jelekter bar aýmaqta jumys júrgizetin qurylys kompaniialaryna qoiylatyn talaptar aitarlyqtai kúsheitildi. Qurylys uiymdary jumystardy júrgizý kezinde jasyl jelekterdiń saqtalýyn qamtamasyz etetin talaptardy oryndaýǵa mindetti: aǵashtar men butalardyń ózderinen tys qalýyn eskere otyryp, qurylys alańdaryn qorshap, saqtalǵan aǵashtardy baǵanalar retinde paidalanýǵa, osy aǵashtarǵa qandai da bir zaqym keltirýge, tamyrlardyń ashylýyna jáne magistraldyq sheńberlerdi jermen, qurylys materialdarymen jáne qoqyspen toltyrýǵa jol berilmeidi.
Taiaýda Erejeler jobasy Almaty qalasy máslihatynyń kezekti sessiiasynda qaralatyn bolady.
